KINOBAḺIAN 24:59 - Alkitab Singog In Mongondow Masa In Tanaa

^59-60 Dá inogoidon monia in ki Ribka minayá bo sinakinan in intau inta moḷoḷukadnea. Mosia in minayá noyotakin in bobantung i Abraham bo intaunea mita. Bo ki Ribka in binarakatan monia, nanaa, “Poigumon mako iko, Ribka mobaḻí ki iná in ribuan intau! Poigumon mako buímu monaḷow kon bayongan kotá mita in musungnea!”

KINOBAḺIAN 24:59 Iomraidhean Croise

KINOBAḺIAN 24:50

Ki Laban bo ki Betuel in notubag, “Popisí in onu inta nobaḻí tanaa bo nongkon i Tuhanbí, dá kami in diábí motaau mogamá kon simpod in tosingogon.

KINOBAḺIAN 24:53

Bo sia nopoḷuai in pakeang, ḷambá saḷaka bo buḷawan, bo inogoi in tua komintan kon i Ribka. Ki guya-guyangnea bo ki inánea inogoiannea doman in tombuinag inta mongomahaḷ.

KINOBAḺIAN 24:54

Nopaḷut mako kon tua bobantung i Abraham bo intaunea mita nongaan bo nonginumdon, bo nosiugpa kon tua. Naonda in mosia nobangon nopoikoḷomai kon singgai, bobantung tatua in noguman, “Ogoidon akuoi mobui mayá kon i tuangku.”

KINOBAḺIAN 24:58

Bo inoinídon monia in ki Ribka bo noḻibó, “Moibog degá iko tumakin kon intau tanaa?” Tubag in mongodeaga tatua, “Moibog in akuoi.”

KINOBAḺIAN 35:8

Kon tua doman ki Debora, tobatú moḷoḷukad kon i Ribka, minatoi bo iḷobong kon siungon pangkoi in kayu moḷoben inta kon dotá in toḷatan kotá tatua. Tuamai pangkoi in kayu tatua sinangoian “Pangkoi Moḷoben Pinongombaḷan”.

PINOGIAPAN 11:12

Eta akuoi degá in nonogusian andeka inta nopononggadí kon i monia tua? Nongonu sin pinotabá-Mubí in akuoi ná intau moḷoḷukad kon adí inta umuran mokoyot mako kon adí mointok, modapot in akuoi musti umuran moḷukad kon i monia kinoouputbí in binayáan mopobayá in butá inta pinodandi-Mu kon mogoguyang monia?

TESALONIKA 1 2:5

Kinotaauan bidon monimu kon diábí dodai onda in kami tongá mopia kon ouman andeka monombodok kon i monimu, sin mobuni kon makusud inta tongá motayak kon kauntungan tontaní. Ki Allahbí in nonotaau kon tua komintan!