KINOBAḺIAN 24:56 - Alkitab Singog In Mongondow Masa In Tanaa

⁵⁶ Táe bobantung tatua in noguman, “Donaaidon tahangon in akuoi. Ki Tuhan ain notuḷung kon inakó takin nopoyodungkuḷ kon onu inta sinayakku; ogoidon in akuoi mobui kon i tuangku.”

KINOBAḺIAN 24:56 Iomraidhean Croise

KINOBAḺIAN 24:40

Tubagnea, ‘Ki Tuhan inta umuran duduianku, in mopotabábí in malaekat-Nea sin motuḷung kon inimu sinbá onu inta pinoki aidku kon inimu kodapotanpa doman. Iko in mokodungkuḷbí kon bobay inta pobuḷoion i adíku nongkon sigad in ginaḷumku inta nongkon buí i amáku.

KINOBAḺIAN 24:54

Nopaḷut mako kon tua bobantung i Abraham bo intaunea mita nongaan bo nonginumdon, bo nosiugpa kon tua. Naonda in mosia nobangon nopoikoḷomai kon singgai, bobantung tatua in noguman, “Ogoidon akuoi mobui mayá kon i tuangku.”

KINOBAḺIAN 24:57

Tubag monia, “Igai bá oiníon naton in ki Ribka bo poḻibóan.”

KINOBAḺIAN 30:25

Naonda in ki Rahel nopononggadí kon i Yusup, ki Yakub in noguman kon i Laban, “Ogoidon in akuoi mobui kon butáku.

AMSAL 25:25

Motarima kon habar inta mopia nongkon ḻipú inta moyayú in naonda bo monginum kon tubig moonow kon dodai in morogang.

YESAYA 48:15

Akuoibí in inta noguman kon tua bo inta nogoiní kon inia, inta nokapit kon inia nodapot in sia nokodapot kon inta pinoki aid.

YOSUA 1:8

Buk in hukum tatua in mustibí umuran bacaanmu kon tayowon in umat-Ku. Balajar in buk tatua singgai bo doḷom, sinbá oaidmu umuran moitombutung kon onu inta pinais kon buk tatua. Aka aidanmu in bayongan tua, kobobiagmu in motompia totok bo bayongan onu inta aidanmu in kodapotanbí.