KINOBAḺIAN 24:50 - Alkitab Singog In Mongondow Masa In Tanaa

⁵⁰ Ki Laban bo ki Betuel in notubag, “Popisí in onu inta nobaḻí tanaa bo nongkon i Tuhanbí, dá kami in diábí motaau mogamá kon simpod in tosingogon.

KINOBAḺIAN 24:50 Iomraidhean Croise

KINOBAḺIAN 24:15

Kon dodai in sia yogotpa mosambayang tua, ki Ribka, mongodeaga tobatú inta totok in moḷunat bo diápa doman dodai onda in nosiug takin ḷoḷaki, noiangoidon kon parigí tatua kodia-dia in buyung inta kopota-potaannea. Sia in ki adí i Betuel, guranganea in ki Nahor bo ki Milka; ki Nahor tua ki guya-guyang i Abraham. Ki Ribka minayá in parigí tatua bo nomonu kon buyungnea, bodongka nobui.

KINOBAḺIAN 24:28

Onda intua mongodeaga tatua in noribatuk minayá in baḷoi i inánea bo nongonguman kon bayongan inta ain nobaḻí tatua.

KINOBAḺIAN 24:51

Naa in ki Ribka; pomayádon mako bá sia in tumakindon kon i Amá bo mobaḻí ki buḷoi adí i tuangmu, ná inta pinoguman i Tuhan tontaní.”

KINOBAḺIAN 24:53

Bo sia nopoḷuai in pakeang, ḷambá saḷaka bo buḷawan, bo inogoi in tua komintan kon i Ribka. Ki guya-guyangnea bo ki inánea inogoiannea doman in tombuinag inta mongomahaḷ.

KINOBAḺIAN 24:55

Táe ki guya-guyang bo ki iná i Ribka in noguman, “Pomayápa mako in ki Ribka mogutunpa moyotakin nami todiminggumai ande mopuḷúpa nosinggai, bain mopaḷut kon tua bo mayá in sia.”

KINOBAḺIAN 31:24

Kon tungkuḷ in doḷom ki Allah namangoi kon i Laban kon bonu in togoindopnea, bo noguman, “Pokoingat dika mokoimontanmai iko mopogogondok kon i Yakub takin tosingogon tongáka totontagá.”

KINOBAḺIAN 31:29

Moḷobenbí in ropotku aka akuoi mogaid kon inta moraat kon inimu, táe kogobíi ki Allah inta sinumba i amámu nobogoidon in tompoingat kon inakó sinbá diá mopogogondok kon inimu.

SAMUEL 2 13:22

Sinagú totok i Absalom kon gina in yaat in ginanea kon i Amnon bo doídon in sia mongonguman takinnea popisí in sia ain nodomok kon i Tamar inta ki ai-ainea.

DATU MITA IMITÁNEA 12:15

Onu inta pinoigum in rayat diábí inindoianneamai. Táe tua in kinoibogbí i Tuhan. Onu inta ain pinoguman i Tuhan pinongin i Nabi Ahia nongkon Silo soaḷ ki Yerobeam adí i Nebat in mustibí mobaḻí.

DATU MITA IMITÁNEA 12:24

“Dikabí momarang kon i utatmu mita intau in Israel. Pobuidon! Onu inta nobaḻí tua in ibog-Kubí.” Dá mosia komintan dinumuduidon kon parenta i Tuhan, bo nobuidon kon baḷoinea-baḷoinea.

MAZMUR 118:23

Tuata in aid i Tuhan, totuu mokoherang kon inaton.

MATIUS 21:42

Ki Yesus in noḻibó kon i monia, “Diápa kon dodai in onda degá in moiko nokobaca kon bonu in Buk Motusi inta pinais nanaa? ‘Batu inta iḷumbú in mogogaid mita kon bangunan ain nobaḻí batu inta baraguna totok. Oaidan mita inta mokoherang kon mata naton tatua; aindon inaidan i Tuhan!’ ”

MARKUS 12:11

Tuata in aid i Tuhan; totuu mopia!’ ”

OUMAN IN RASUL MITA 11:17

Dá tantú notarang bidon kon ki Allah in mobogoibí doman in totabi-Nea kon intau inta deeman Yahudi, ná totabi inta inogoi-Nea kon inaton wakutu in kita bagu nopirisaya kon i Tuhan Yesus Kristus. Tuamai, diábí doman inta ampaganku in ki Allah!”