KINOBAḺIAN 24:49 - Alkitab Singog In Mongondow Masa In Tanaa

⁴⁹ Tanaa, aka moiko motabi bo oyúonpa in tanggung jawab monimu kon inia saḷaku ginaḷum monimu, dá potaaudon kon inakó; tongá aka diá, dá potaaubí doman kon inakó, sinbá kotaauanku mongo onupa in aidanku.”

KINOBAḺIAN 24:49 Iomraidhean Croise

KINOBAḺIAN 32:10

Akuoi in diá patus motarima kon bayongan tabi bo kososatia inta ain pinoontong i Tuhan kon inakó. Naonda in akuoi nobuat iḷumoḷan kon Ongkag in Yordan, akuoi in diábí nodia kon onu bo onu koḻikudbí in tungkud. Tanaa akuoi in nobui mangoi takin nobaḻídon doyowa nokolompok tanaa.

KINOBAḺIAN 47:29

Naonda in nodiugdon wakutunea matoi, inoinínea in ki Yusup, ki adínea tua, bodongka noguman kon inia, “Poukatdon in ḻimamu kon sigad in páaku doyowa naa bo pongibotdon kon iko in diábí moḷobong kon inakó kon butá in Mesir tanaa.

AMSAL 3:3

Umuran popirisaya bo mokopotoindudui kon i Allah bo kon tumpaḷa intau. Torop intua bo tagú kon ginamu,

PINOGIAPAN 20:17

Kami mopoigum kon i Tuang bá totabionpa kaasí i Tuang in kami bo ogoipa i Tuang tumaḻib mongin butá tanaa. Kami takin bobiagon mita nami in diábí ḻimimpat kon daḷan bo diábí doman tumuot kon gobá mita andeka gobá mita in anggur. Diábí in kami monginum kon tubig nongkon parigí mita i Tuangku. Kami in mayábí mongin daḷan moḷoben modapot in kami moiḷuai kon butá i Tuangku.”

ULANGAN 2:27

‘Ogoiaipa in wakutu in kami tumaḻib mongin butá i Tuangku. Kami in tumuḻidanbímai in mayá diábí tumaba-tabat kon daḷan moḷoben.

YOSUA 2:14

Dá toimata doyowa tatua notubag, “Kami in modandidon kon aka ogoidon i Tuhan in butá tanaa kon i nami, kopiaanbí nami in pogogaid kon i monimu, asaḷ bo diá oumanonmu kon i ineka in kami naa. Kutukonbí i Tuhan in kami aka diá totuuon nami in dandi tatua.”