KINOBAḺIAN 24:35 - Alkitab Singog In Mongondow Masa In Tanaa

³⁵ Ki Tuhan in nomarakat totok kon i tuangku tua bo binaḻí-Nea nooyúon totok. Ki Tuhan ain nobogoi kon inia in paanan in domba, bembé, sapi, unta, keledai, bo saḷaka doman, buḷawan, takin doman bobantung ḷoḷaki bo bobay.

KINOBAḺIAN 24:35 Iomraidhean Croise

KINOBAḺIAN 12:16

Pinopisí in ki Sarai, dá ki Abram in sinomu nopia totok i datu poḷat inogoian in bobantung mita, takin paanan in domba, bembé, sapi, keledai bo unta.

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 12:3

Akuoi in momarakat kon intau mita inta momarakat kon inimu bo mongutuk kon intau mita inta mongutuk kon inimu. Bo popisí in iko dá Akuoi in momarakat kon bayongan in bangusa inta kon dunia naa.”

KINOBAḺIAN 13:2

Ki Abram in nobiag nooyúon totok; kon inia noantó in domba, bembé, sapi, saḷaka bo buḷawan.

KINOBAḺIAN 24:1

Ki Abraham nogoguyangdon totok, bo totok doman binarakatan i Tuhan in sia onukadon in inaidannea.

KINOBAḺIAN 25:11

Naonda in ki Abraham minatoi, ki Allah nomarakat kon i Ishak, ki adí i Abraham. Kon tungkuḷ intua ki Ishak nogutun kon diug in parigí inta sinangoian “Sia inta nonarukira kon inakó.”

KINOBAḺIAN 25:5

Umpaka ki Abraham nopotonsilaidon in bayongan kapunyaannea kon i Ishak,

KINOBAḺIAN 30:43

Tua in pinomia i Yakub bo sia nobaḻí nobiag nooyúon totok. Sia kopaanan bembé domba, unta, keledai bo bobantung mita.

KINOBAḺIAN 49:25

Ki Allah i amámu motuḷung kon inimu; Inta Totok in Mokawasa momarakat kon inimu takin mobogoi in uyan nongkon ḷangit bo tubig nongkon ḻimonag in butá. Takin adí bo sapi,

AYUB 1:3

Koḻikud intua nobayong doman in atanea, dombanea in 7.000, unta in 3.000, sapi in 1.000, bo keledai in 500. Impoḷok mako in singog, sia tua in intau inta totok in nooyúon kon sigad in intau inta nogutun kon butá kon dotá in pomukaan.

MAZMUR 107:38

Ki Tuhan in nobogoi in adí mobayong kon i monia, bo bobiagon monia in umuran momuí.

MAZMUR 112:3

Motoḷuadínea in mooyúonbí bo mobiag motomoman, bo sia in mobiagbí motompia modapot in mononoi.

MAZMUR 18:35

Sinundú-Nea in akuoi moparang, dá motaaudon in akuoi momadang kon puḷu in piot inta totok in moropot.

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.

AMSAL 22:4

Intau inta mopirisaya kon i Tuhan bo tumonsiup, in mosanang, mobiag motompia bo horomaton.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

LUKAS 12:45

Tongá aka bobantung tatua bo moraat bo mosingog doman kon bonu in gina nanaa, ‘Ki tuangku in diápabí moiangoi,’ bo nomangkoi in sia momongkug kon bobantung mita ibanea ḷoḷaki-bobay bodongka mayá mongaan bo monginum dapot moḷoḷangu,

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.