KINOBAḺIAN 24:32 - Alkitab Singog In Mongondow Masa In Tanaa

³² Bo dinumuduidon in bobantung tatua poḷat sinumuot kon baḷoi. Ki Laban nopoponag in datog in unta mita tatua, bo poḷat nobogoi in wawa bo nopokaan kon mahaḷuk mita tatua. Nopaḷut mako kon tua nodia mangoi in sia kon tubig sin pondaritan in bobantung i Abraham tatua kon sioḷ takin intau mita inta noyotakinnea.

KINOBAḺIAN 24:32 Iomraidhean Croise

KINOBAḺIAN 18:4

Pomayádon mako bain akuoi in mogamá kon tubig sin pondaritan kon sioḷ i Tuang mita. Koḻigai bá mogogaipa kon siungon in kayu tanaa sinbá moinggamápa in ḷopí.

KINOBAḺIAN 19:2

bo noguman, “Tuang mita, akuoi in mopoigum kon bá mongandupa kon baḷoiku. Tai Tuang in motaau in mondaritdon kon sioḷ bo mogogaipa in doḷom naa kon baḷoiku, bain ikoḷom doḷo-doḷom bo mongingguput kon bobayáan.” Táe mosia in notubag, “Sukur moantó, kami in mogogaidon kon lapangan in kotá”.

KINOBAḺIAN 24:33

Naonda in kaanon inoḷudon, bobantung tatua in noguman, “Akuoi in diápabí mongaan aka diápa potaauku muna in koyow inta diniaku naa.” Ki Laban in noguman, “Oumandon mangoi.”

KINOBAḺIAN 29:13

Naonda in ki Laban nokodongog kon habar soaḷ ki Yakub, pokuadíonea tatua, noribatukdon in sia sin mayá mokipodungkuḷ. Ki Laban nonggakap kon i Yakub bo inayokannea, bodongka dinianea sinumuot kon baḷoi. Naonda in ki Yakub nongonguman kon bayongan kaadaannea kon i Laban,

KINOBAḺIAN 43:24

bodongka inatodneadon in mosia sinumuot kon baḷoi. Sia in nobogoi in tubig sin pondaritan monia kon sioḷ, bo nobogoi doman in kokaanon in keledai monia.

LUKAS 7:44

Onda intua ki Yesus nobobui kon bobay tatua bo noguman kon i Simon nanaa, “Inontongmu in bobay tanaa degá? Akuoi in moguman kon inimu: Akuoi namangoi in baḷoimu, táe diá inogoianmu in tubig pondaritan-Ku kon sioḷ, táe bobay tanaa ain nondarit kon sioḷ-Ku takin ḷuánea, onda intua iningkagannea bui in buoknea tontaní.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

HAKIM MITA 19:21

Onda intua dinianea in mosia minayá in baḷoinea bodongka nopokaan in keledai mita monia. Bo naonda in mokokiangoi mita tatua nomatádon kon sioḷ, nongaan in mosia.

SAMUEL 1 25:41

Sinimindog in ki Abigail bo sinumungkud poḷat noguman, “Akuoi naa in bobantung i Daud, diábí mobogat in ginaku in momatá kon sioḷ mita in bobantungnea mita.”