KINOBAḺIAN 24:31 - Alkitab Singog In Mongondow Masa In Tanaa

³¹ Bo ki Laban noguman, “Ki Amá inta binarakatan i Tuhan! Donaai tongá kon ḷuai naa. Koḻigai mayá in baḷoi nami. Ki Amá aindon pinosadiaan nami kon posiugan, bo unta mita i Amá ain doman pinosadiaan nami kon ḷantungnea.”

KINOBAḺIAN 24:31 Iomraidhean Croise

KINOBAḺIAN 18:3

sia in noguman, “Tuang mita, donaaipa tongá tumaḻib mako natua kon ḷoḷaiganku naa, táe pongandupabí; ogoiaipa in wakutu akuoi mobogoi in onuka kon i Tuang mita.

KINOBAḺIAN 19:2

bo noguman, “Tuang mita, akuoi in mopoigum kon bá mongandupa kon baḷoiku. Tai Tuang in motaau in mondaritdon kon sioḷ bo mogogaipa in doḷom naa kon baḷoiku, bain ikoḷom doḷo-doḷom bo mongingguput kon bobayáan.” Táe mosia in notubag, “Sukur moantó, kami in mogogaidon kon lapangan in kotá”.

KINOBAḺIAN 19:3

Ki Lot in nopoigum totok, dá aher mako mosia in sinumuotdon noyotakin kon baḷoi Lot. Ki Lot in nogoḷudon kon kaanon inta totok in mopia in nanamnea bo nomia doman kon roti inta tugat kinaan monia, bo nongaandon in mosia.

KINOBAḺIAN 26:29

kon iko in diábí momia kon inta moraat kon inami, ná doman kami inta diábí dodai onda in momia kon inta moraat kon inimu. Kami in notabidon kon inimu bo nopomayádon mako kon inimu minayá takin saḷamat. Noniatadon kon inami kon ki Tuhan ain nomarakat kon inimu.”

KINOBAḺIAN 29:13

Naonda in ki Laban nokodongog kon habar soaḷ ki Yakub, pokuadíonea tatua, noribatukdon in sia sin mayá mokipodungkuḷ. Ki Laban nonggakap kon i Yakub bo inayokannea, bodongka dinianea sinumuot kon baḷoi. Naonda in ki Yakub nongonguman kon bayongan kaadaannea kon i Laban,

MAZMUR 115:15

Igumon mako moiko in barakatan i Tuhan, inta nomaḻí kon ḷangit bo butá!

AMSAL 17:8

Oyúon in morai kon doit sogó in mokopoangoibí kon inta mokoherang; pongin doit sogó yagi-yagi in koaidanbí.

AMSAL 18:16

Tombuinag momukat kon daḷan bo mogatod kon intau mayá kon intau mita moḷoben.

HAKIM MITA 17:2

Kon singgai tobatú sia in noguman kon i inánea, “Iná, kon tungkuḷ in ki iná kinobuḻian in toribu bo mogatut in doit saḷaka, dinongogku ki iná in nogodi-godimai kon intau inta nonakow. Naa, Iná, in doit tatua! Akuoibí in nonakow.” Ki inánea notubag, “Igumon mako iko in barakatan i Tuhan, adíku!”

RUT 3:10

“Poigumon mako ki Tuhan in momarakat kon inimu, adíku,” guman i Boas. “Potongkaiondon kon ná onu inta ain pinomiamu kon i guyámu, dá aidmu tanaa in moponiatadon in tabi inta moiḻiu kon tua bui. Iko in motaaubí in motayak kon buḷoi inta mongobagupa kon sigad in intau mita inta nooyúon bo inta nobogá, táe diábí inaidanmu intua.