KINOBAḺIAN 24:3 - Alkitab Singog In Mongondow Masa In Tanaa

³ Pongibotdon podoyon kon i Tuhan, Allah inta nongawasa kon ḷangit bo butá, kon iko in diábí motayak kon bobay inta pobuḷoion i Ishak ki adíku nongkon sigad in intau mita in Kanaan tanaa.

KINOBAḺIAN 24:3 Iomraidhean Croise

KINOBAḺIAN 14:19

Bo ki Melkisedek in nomarakat kon i Abram, kainia, “Poigumon mako ki Allah inta Totok in Moḷantud, inta ain nomaḻí kon ḷangit bo butá, momarakat kon i Abram!

KINOBAḺIAN 14:22

Táe ki Abram in notubag, “Akuoi in mongibot kon tayowon i Tuhan, Allah inta Totok in Moḷantud, inta nomaḻí kon ḷangit bo butá,

KINOBAḺIAN 21:23

Tuamai, pongibotdon kon naa kon tayowon i Allah, kon iko in diábí monombogá kon inakó, ande kon i adíku mita, ande kon buíku. Ná doman akuoi aindon nomia kon inta mopia kon inimu, dá aidai domandon in natua kon inakó bo kon butá inta pinogutunanku tanaa.”

KINOBAḺIAN 24:7

Ki Tuhan, Allah inta nongawasa kon ḷangit, aindon nodia kon inakó nongkon baḷoi i amáku bo nongkon butá in ginaḷumku, bo Sia ain nongibot kon inakó kon Sia in mobogoibí in butá tanaa kon buíku. Sia in mopotabábí doman in malaekat-Nea sin motuḷung kon inimu, sinbá iko in mokouḻí kon bobay tobatú kon tua sin baḻíon buḷoi i adíku.

KINOBAḺIAN 27:46

Dá ki Ribka in nogumandon kon i Ishak, “Moyaat in ginaku bo mobú in akuoi mokoontong kon i buḷoi mita i Esau inta nongkon suku bangusa mita ibanea tatua. Aka ki Yakub motonibuḷoi doman takin bobay mita intau in Het, dá maníka akuoi in matoidon.”

KINOBAḺIAN 28:1

Onda intua ki Ishak nogoiní kon i Yakub, bodongka nomarakat kon inia poḷat noguman, “Donaaidon iko motonibuḷoi takin bobay in Kanaan.

KINOBAḺIAN 28:8

Dá kinotaauandon i Esau kon ki Ishak, ki amánea tua in doíbí kon bobay in Kanaan,

KINOBAḺIAN 34:9

Koḻigaidon in kita mogaid kon yopakat in tosingogon kon bangusa i Utat bo bangusa nami in motaaudon motonibuḷoi.

KINOBAḺIAN 38:2

Kon tua ki Yohuda noyobayat takin mongodeaga in Kanaan, ki Sua in tangoinea. Bo mosia in notonibuḷoi.

KINOBAḺIAN 47:31

Ki Yakub in noguman, “Pongibotdon kon aidanmubí in tua.” Ki Yusup in nongibot, bo ki Yakub nopoyaputdon i sukur nongkon tosiugannea.

KINOBAḺIAN 50:25

Bo ki Yusup nopoigum kon bayongan adí bo utatnea nongibot, kainia, “Podandidon kon inakó, kon aka ki Allah modiadon kon i monimu mayá in butá tatua, yo poyodiaan domandon monimu in tuḷanku mita.”

KINOBAḺIAN 6:2

mahaḷuk mita i allah in nokoontong kon adí mita bobay tatua mongoḷunat. Bo mulai tonibuḷoion monia in mongodeaga mita inta koibog monia.

KINOBAḺIAN 6:4

Kon zaman intua, bo kon noiduduimai kon tua, oyúon in intau mita inta mongo itoi bo mongoḷoben kon dunia naa. Mosia tua in buí in bobay mita inta notonibuḷoi takin i adí mita i allah. Intau mita inta moitoi bo moḷoben tua in mongoroton bo ponango-nangoian kon tungkuḷ intua.

DATU MITA 2 19:15

bo nosambayang, kainia, “Tuhan, Allah in Israel, inta iḻimitú kon tudu in Kerub, Tongábí Iko tontaní in Allah inta nongawasa kon bayongan in dodatuan kon dunia naa. Ikobí in nomaḻí kon ḷangit bo butá.

TAWARIKH 2 2:12

Dinayo-dayowdon in ki Tuhan Allah in Israel, Inta Nomia kon ḷangit bo butá! Sia in nobogoidon kon i Daud in adí ḷoḷaki inta totuu mobijaksana bo mopandoi, bo kototaau moḷoben, inta tanaa in koyogot in moḷongasi moposindog in baḷoi tobatú kon i Tuhan bo komaḻig tobatú kon inia tontaní.

EZRA 5:11

Mosia in notubag, ‘Kami naa in mogogundoi i Allah mongongawasa kon dunia naa. Kami in koyogot in moposindog in Baḷoi Tuhan inta pinosindog bo sinompakakatan kon puḷúan in taong inta noitaḻibdon i datu tobatú in Israel inta moḷoben.

NEHEMIA 13:25

Sinoboḷowku bo inodi-odianku in mosia. Oyúon in binongkugku bo oyúon in irabutku in buok monia. Onda intua pinoki pongibotanku in mosia pinodoyon kon tangoi i Allah kon mosia takin ki adí mita monia in diá bidon motonibuḷoi takin bobay ibanea.

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

MAZMUR 115:15

Igumon mako moiko in barakatan i Tuhan, inta nomaḻí kon ḷangit bo butá!

MAZMUR 136:26

Posukurdon kon i Allah inta nongawasa kon ḷangit; tabi-Nea in umuran mononoi.

IḶUAIAN 20:7

Dika morotag kon tangoi-Ku, sin Akuoi, ki Tuhan Allahmu, in mohukumbí kon i ineka inta mopomia ibo-ibog kon tangoi-Ku.

IḶUAIAN 22:11

Dá kon soaḷ natua sia musti mayá in tampat pooibadaan bo mongibot podoyon kon tangoi i Tuhan kon sia in diábí nonakow kon bobiagon inta ain pinoki ḷukad kon inia. Aka sia bo totuubí diá nonakow, dá kitogineadon in musti motanggung kon karugian tatua, bo intau inta noḷukad tatua in diábí moguboḻi kon karugian tatua.

IḶUAIAN 23:13

Pononggina mako in bayongan inta ain pinoguman-Ku kon inimu. Dika mosumba kon ilah mita ibanea, modapot in tongá monangoi kon tangoinea diábí motaau.”

IḶUAIAN 34:16

Aka ki adí mita monimu motonibuḷoi in bobay mita ango-angoi, yo mosia in dondouḷugandon in bobay mita tatua sinbá monaḷámaidon kon i-Nakó bo mosumbadon kon ilah mita monia.

YESAYA 45:23

Akuoi in ain nodandi, bo dandi-Ku in diábí motaau inggamáan; podoyon kon i-Nakó tontaní Akuoi in mongibot: Pomuḷoi in intau in tumungkudbí kon tayowon-Ku, bo kon bonu in tosingogonnea tontaní modandi kon mosatia kon i-Nakó.

YESAYA 48:1

Indongogai, ei buí i Yakub, buí in Yohuda inta nomaké in tangoi in Israel, kainimu in inakumu in Allah in Israel, bo nongibot pinodoyon kon tangoi Tuhan. Táe tosingogonmu mita tua in diábí totuu.

YESAYA 65:16

Pomuḷoi in intau kon butá tatua inta mopoigum in barakat, in mopoigumbí sinbá barakatan i Allah inta mosatia. Pomuḷoi in intau inta moibog mongibot, in mongibotbí podoyon kon tangoi i Allah inta mosatia. Sin roriga inta koḻipod ain noinggamá bo iḻiongdon.”

YEREMIA 10:11

Moiko, ei umat, musti mopotaau kon i monia kon dewa mita inta diá nomaḻí kon ḷangit bo butá tua in yopúonbí. Mosia in moinggamábí nongkon tudu in butá naa.)

YEREMIA 12:16

Aka mosia takin ḻimbatú in gina moibog motarima kon agama in umat-Ku bo moibog mongibot takin moguman, ‘Podoyon kon i Tuhan inta nobiag,’ – ná koḻipod in mosia notundú kon umat-Ku nongibot pinodoyon kon Baal – dá mosia in moidugangdon kon umat-Ku bo mobaḻí mooyúon.

YEREMIA 29:6

Pobuḷoidon sinbá mokouḻí kon adí in moiko, bo biódon mako in ki adímu mita in mobuḷoi doman sinbá mosia in mokouḻí doman kon adí. Kobayongmu in musti modugang bo diábí motaau in mogaat.

YEREMIA 4:2

Aka moiko in mongibot podoyon kon tangoi-Ku bo moiko in mobiag mojujur moadil bo mobanar, dá bayongan in bangusa in mopoigumbí kon i-Nakó sinbá barakatan-Ku in mosia, bo mosia in modayow kon i-Nakó.”

IMAMAT 19:12

Dika modandi podoyon kon tangoi-Ku aka moiko komakusud kon diá mogintompod kon dandi monimu tatua, sin oaid monimu tatua mopoompábímai kon tangoi-Ku. Akuoi in ki Tuhan Allahmu.

ZEPANYA 1:5

Daiton-Kubí kaitan in ki inekabí in moponik kon atop sin mosumba kon mata in singgai, buḷan bo tundi mita. Yompaton-Kubí doman mosia inta nosumba kon i-Nakó bo inta nongibot motoindudui kon i-Nakó, táe nongibot doman pinodoyon kon tangoi i Dewa Milkom.

PINOGIAPAN 5:21

poigumon mako baḻíon i Tuhan in tangoimu mobaḻí ibot butung kon sigad in bangusamu. Poigumon mako baḻíon-Nea in paamu imintok bo sianmu in ḷumoben.

KORINTUS 1 7:39

Bobay inta ain nokipobuḷoi notobatúdon i buḷoinea ḷoḷaki komangoi in nobiagpa in ki buḷoinea tua. Táe aka matoidon in ki buḷoinea tatua, dá bobay tatua in mobebasbí in mokipobuḷoi bui kon intau inta kinoibognea; asaḷ tonibuḷoi tatua in tonibuḷoi Keresten.

ULANGAN 10:20

Horomatbí in ki Tuhan Allahmu bo poibadadon tongá kon i-Nia. Moiko in musti umuran mokoposatia kon i-Nia bo mongibot tongá podoyon kon tangoi-Nea.

ULANGAN 6:13

Horomat in ki Tuhan, Allahmu bo kosundudon kon i-Nia tontaní, bo aka moiko mongibot, yo aidai intua tongá podoyon kon tangoi-Nea.

IBRANI 6:16

Aka intau bo mongibot, yo mongibotbí in sia podoyon kon tangoi in intau inta moḷantu-ḷantud nongkon inia, dá ibotnea tatua in monginggamádon kon bayongan bobayowan.

YOSUA 2:12

Igumonku mako moibogpa in moiko mongibot podoyon kon tangoi-Nea kon tompiaanbí monimu in pogogaid kon bayongan in ginaḷumku ná doman pinogogaidku kon i monimu. Podandidon kaasí kon ki amá bo ki ináku, ginaḷumku mita, bo bayongan in tombonu in baḷoi monia diábí ḻimodon monimu táe ḷukadanbí. Bo akuoi in moigumdon kon tomponuot mobaḻí jaminan kon moiko nion in motaaubí pirisayaanku!”

HAKIM MITA 14:3

Táe guranganea noguman, “Nongonu sin mustibí mayá motayak kon buḷoi intau in Pilistin, bokaka mosia tua in deemanbí umat i Tuhan! Eta degá diádon in kon inanakan naton tontaní ande kon sigad in bayongan in bangusa naton diádon in mongodeaga inta moitugat kon ginamu?” Tubag i Simson kon i amánea, “Tongá mongodeagabí in Pilistin tatua in koibogku. Bo haraponku mako tua ki amá moibog mayá moguman kon inia kon pobuḷoionku.”

SAMUEL 1 20:17

Dá kon induaneadon in ki Yonatan nopoigum kon i Daud modandi kon monotabibí kon inia, sin sia in motabi kon i Daud ná kotabinea kon awaknea tontaní.

SAMUEL 1 30:15

Bo ki Daud in noḻibó kon inia, “Moibog degá in iko mogatod kon inakó mayá in tampat in banselang tatua?” Tubagnea, “Moibog in akuoi, asaḷ bo ki Tuang in modandi kon inakó podoyon kon tangoi i Allah, kon akuoi in diábí ḻimodon i Tuang andeka ogoi i Tuang kon i tuangku.”