KINOBAḺIAN 24:27 - Alkitab Singog In Mongondow Masa In Tanaa

²⁷ Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

KINOBAḺIAN 24:27 Iomraidhean Croise

KINOBAḺIAN 13:8

Ki Abram in noguman kon i Lot, “Kitada naa uḻe in doyowa motoḷuadí, dá diá mopia aka intau natonda bo morogenggeng.

KINOBAḺIAN 14:20

Dinayo-dayowdon in ki Allah Inta Totok in Moḷantud, inta ain nobogoi kon inimu in ropot dapot in nokountung nonayow kon musungmu.” Nopaḷut mako kon tua ki Abram nobogoi kon i Melkisedek in mopuḷú noporsen nongkon bayongan barang inta inagownea kon parang tatua inta ain dinianea mangoi.

KINOBAḺIAN 24:12

Bo bobantung tatua in nosambayang, “Tuhan, ki Allah i tuangku Abraham, tuḷungaidon sinbá onu in pinoki aid kon inakó kodapotankudon in singgai naa; kotabipa in ki tuangku ki Abraham.

KINOBAḺIAN 24:21

Dodai intua bobantung i Abraham umuran monarukiramai takin diábí noposingo-singog. Sia in moibog monotaau mongo baḻíondon i Tuhan bobayáannea bo oaidannea tatua kodapotan ande diá.

KINOBAḺIAN 24:4

Iko in mustibí mayá bui kon tampat kinolahiranku sin motayak kon bobay pobuḷoionnea nongkon sigad in ginaḷumku.”

KINOBAḺIAN 24:42

Bo naonda in akuoi nodapot kon parigí koina, akuoi in nosambayang kon bonu in gina, ‘Tuhan, Allah i tuangku Abraham, poigumonku sinbá onu in pinoki aid i tuangku kon inakó yo kodapotankupa doman.

KINOBAḺIAN 24:48

Akuoi in dinumokó nosumba bo nodayow kon i Tuhan, Allah i tuangku Abraham. Sia in bayá-bayádon nodia kon inakó namangoi in naa, kon ginaḷum i tuangku, nodapot in akuoi bayá-bayádon noyodungkuḷ in mongodeaga sin potonibuḷoion kon i adínea.

KINOBAḺIAN 32:10

Akuoi in diá patus motarima kon bayongan tabi bo kososatia inta ain pinoontong i Tuhan kon inakó. Naonda in akuoi nobuat iḷumoḷan kon Ongkag in Yordan, akuoi in diábí nodia kon onu bo onu koḻikudbí in tungkud. Tanaa akuoi in nobui mangoi takin nobaḻídon doyowa nokolompok tanaa.

KINOBAḺIAN 32:11

Akuoi in mopoigumdon totok, posaḷamatpa in akuoi nongkon i Esau ki guya-guyangku. Akuoi in moondok dikabo sia in mamangoi monubu bo moyopú kon i nami komintan, diá doman taḻibannea in bobay bo adí mita.

KINOBAḺIAN 9:26

Dinayo-dayowdon Tuhan, ki Allah i Sem! Kanaan in mobaḻí ata i Sem.

SAMUEL 2 18:28

Takin nomaḷú in ki Ahimaas nopoyaput in salam kon i datu, bodongka sinumungkud bo noguman, “Dinayo-dayowdon in ki Tuhan Allah i Tuang, inta ain noposarakan kon i Tuang in intau mita inta nomarontak kon i Tuangku!”

MAZMUR 100:5

Sin ki Tuhan tua in mopia; tabi-Nea in mononoi, bo kososatia-Nea in modapot in adí bo ompu.

MAZMUR 68:19

Ki Tuhan in notakod kon tampat inta moḷantud; nobayong in inta dinakop in dinia-Nea noyotakin. Sia in notarima kon sosumba nongkon intau mita nodapot in nongkon sigad in inanakan momomarontak; sinbá mosia in kibio-biómai moyotakin i Tuhan Allah.

MAZMUR 98:3

Kinotoropan-Nea in tabi bo kososatia-Nea kon Israel, umat-Nea. Bayongan in bangusa kon sinangkub in butá ain nokoontong kon kinountungan i Allah naton.

IḶUAIAN 18:10

bo noguman in sia, “Dinayo-dayowdon in ki Tuhan inta noposaḷamat kon i monimu nongkon kawasa i datu bo in bangusa Mesir! Dinayo-dayowdon in ki Tuhan inta nopoḷuatdon kon bangusa Israel nongkon pinononggataan!

IḶUAIAN 2:11

Kon dodai in ki Musa tayowmobiagdon, minayá in sia nokipodungkuḷ kon intau mita inta tongo bangusanea. Inontongnea in mosia pinakisa totok in mogaid. Inontongnea doman intau in Mesir tobatú nomongkug kon intau in Ibrani.

IḶUAIAN 2:13

Nopoikoḷomai kon singgai, ki Musa in minayá bui, bo nokoontong doman kon intau Ibrani doyowa inta koyogot moropatoi. Dá ki Musa in noḻibó kon intau inta kotaḷá tatua, “Nongonu sin iko momongkugbí kon yobayatmu?”

IḶUAIAN 34:6

Onda intua ki Tuhan sinumaḻib kon tayowon i Musa bo noguman, “Akuoi ki Tuhan, in ki Allah inta nopuḻing in pia in gina bo tabi. Tabi-Ku mobarong totok, Akuoi naa in motoḷutui bo diá ḷagi tumorú.

AMSAL 3:6

Toropbí in ki Tuhan kon bayongan in aidanmu, dá tundúon-Neabí in kobobiagmu inta mopia.

AMSAL 8:20

Akuoi in dinumudui kon daḷan inta moadil, bo akuoi in nongin daḷan inta moitutui.

MIKHA 7:20

Kon umat-Mu, buí i Abraham bo i Yakub, poontong-Mubí in kososatia-Mu bo tabi-Mu inta diá in obotnea tua ná inta pinodandi-Mu kon mogoguyang nami dungkuḷmai.

LUKAS 1:68

“Dinayo-dayowdon in ki Tuhan, ki Allah Israel! Sia ain notuḷung kon umat-Nea bo nonginggamá doman kon roriga monia.

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

TIMOTIUS 1 1:17

Ki Allahbí tua in Datu inta nongkon pinomangkoianmai modapot in kopaḷutan in dunia naa, inta patus horomaton bo dayowon sin tongábí Sia in Allah inta mononoi, inta diá koontongan bo inta totobatú! Amin.

RUT 4:14

Bobay mita in noguman kon i Naomi, “Dinayo-dayowdon in ki Tuhan! Sia in nobogoidon in ompu ḷoḷaki tobatú kon inimu kon singgai in naa sin moḷukad kon inimu. Poigumon mako adí tatua in mobaḻí intau moḷoben kon Israel!

SAMUEL 1 25:32

Bo ki Daud in noguman kon inia, “Dinayo-dayowdon in ki Tuhan, Allah in Israel, inta nopotabá kon inimu nokipodungkuḷ kon inakó singgai in naa!

SAMUEL 1 25:39

Naonda in kinodongogan i Daud kon ki Nabal in minatoidon, noguman in sia, “Dinayo-dayowdon in ki Tuhan! Sia ain notuḻí kon singkuḻe i Nabal kon inakó, bo ain nogimaḷow kon bobantung-Nea naa mogaid kon inta moraat. Ki Tuhan ain nohukum kon i Nabal popisí in aidnea inta moraat.” Onda intua ki Daud nopotabá in intaunea minayá kon i Abigail sin mogamá kon inia mobaḻí ki buḷoinea.