KINOBAḺIAN 24:24 - Alkitab Singog In Mongondow Masa In Tanaa

²⁴ “Ki amáku in ki Betuel, ki adí i Nahor bo i Milka,” tubag in mongodeaga tatua.

KINOBAḺIAN 24:24 Iomraidhean Croise

KINOBAḺIAN 11:29

Ki Abram in notonibuḷoi takin i Sarai, bo ki Nahor notonibuḷoi takin i Milka ki adí bobay i Haran. Ki Haran kogadípa kon adí ḷoḷaki ibanea, tangoinea in ki Yiska.

KINOBAḺIAN 22:20

Ki Abraham koguya-guyang kon ḷoḷaki inta tangoinea in ki Nahor. Naonda in onu inta nobaḻí kon Buḷud in Moria tatua, ki Abraham in nokodongog kon ki Milka, ki buḷoi i Nahor aindon waḷu in ki adínea ḷoḷaki, naa in tangoi monia:

KINOBAḺIAN 22:23

inta nobaḻí ki amá i Ribka. Taya waḷu tuata in ki adí i Milka kon i Nahor, ki utat i Abraham.

KINOBAḺIAN 24:15

Kon dodai in sia yogotpa mosambayang tua, ki Ribka, mongodeaga tobatú inta totok in moḷunat bo diápa doman dodai onda in nosiug takin ḷoḷaki, noiangoidon kon parigí tatua kodia-dia in buyung inta kopota-potaannea. Sia in ki adí i Betuel, guranganea in ki Nahor bo ki Milka; ki Nahor tua ki guya-guyang i Abraham. Ki Ribka minayá in parigí tatua bo nomonu kon buyungnea, bodongka nobui.

KINOBAḺIAN 24:23

Bo Bobantung tatua in noguman, “Pogumanka mongo ki ine in ki amámu. Degá oyúon in tampat pogogaian nami kon baḷoinea?”

KINOBAḺIAN 24:25

“Kon baḷoi nami oyúonbí in posiugan i Amá bo nobarong doman in wawa pokaan kon bobiagon mita.”

KINOBAḺIAN 24:47

Onda intua akuoi in noḻibó, ‘Ki ine in ki amámu?’ Bo sia in notubag, ‘Ki amáku ki Betuel, ki adí i Nahor bo i Milka.’ Bo pinopopakéankudon in ḷambá buḷawan kon ngiungnea bo iḷutudanku domandon in ḻingkit kon ḻimanea.

KINOBAḺIAN 29:5

Ki Yakub in noḻibó bui, “Kinotaauan monimu in ki Laban ki adí i Nahor?” “Kinotaauan,” tubag monia.