KINOBAḺIAN 24:22 - Alkitab Singog In Mongondow Masa In Tanaa

²² Naonda in unta nonginumdon dapot in nooropdon totok, bobantung i Abraham in nogamádon kon ḷambá mita buḷawan inta nongo mahaḷ, bodongka pinopopakénea kon ngiung in mongodeaga tatua. Bo kon poguḻingkitannea pinopoḷutudannea doman ḻingkit in buḷawan togapang.

KINOBAḺIAN 24:22 Iomraidhean Croise

KINOBAḺIAN 24:10

Bobantung tatua in nogamá kon unta mopuḷú takin noyagi-yagimai in barang inta koboḻi kapunyaan i tuangnea bo nobuat minayá in kotá tampat pinogutunan i Nahor kon tungkuḷ in nobiagpa; tampat tatua noiukat kon dotá in utuan Mesopotamia.

KINOBAḺIAN 24:23

Bo Bobantung tatua in noguman, “Pogumanka mongo ki ine in ki amámu. Degá oyúon in tampat pogogaian nami kon baḷoinea?”

KINOBAḺIAN 24:47

Onda intua akuoi in noḻibó, ‘Ki ine in ki amámu?’ Bo sia in notubag, ‘Ki amáku ki Betuel, ki adí i Nahor bo i Milka.’ Bo pinopopakéankudon in ḷambá buḷawan kon ngiungnea bo iḷutudanku domandon in ḻingkit kon ḻimanea.

KINOBAḺIAN 24:53

Bo sia nopoḷuai in pakeang, ḷambá saḷaka bo buḷawan, bo inogoi in tua komintan kon i Ribka. Ki guya-guyangnea bo ki inánea inogoiannea doman in tombuinag inta mongomahaḷ.

ESTER 5:1

Kon singgai intoḷunea kon pinopuasaannea, ki Ester in nogiḷambung in ḷambung bokí, bo minayá in palas kon bonu in komaḻig bo sinimindog kon tayowon in ngara in bobakidan. Ki Datu in ḻimitú mako kon ḷoḻitúannea sinumayow in ngara tatua.

AYUB 28:1

Oyúonbí in pongongaḻian kon saḷaka; oyúon in pototubáan kon buḷawan.

YEREMIA 2:32

Oyúon degá in mongodeaga inta mokoḻiong kon ḷambánea, andeka nonikaan bobay inta mokoḻiong kon ḷambung nonikaannea? Táe moiko in noonggotdon totok in nokoḻiong kon i-Nakó – nongkon tungkuḷpabí inta diádon koiapan in koonggotnea.

YEREMIA 32:9

Dá inuboḻianku kon i Hanameel in butá tatua in doit saḷaka mopuḷú bo pitu. Inoiníku in sakusi mita bo kon tayowon monia sinekengku in surat totaḷuiannea, bo kinompitanku in segel bo sinimbangku in doitnea.

PETRUS 1 3:3

Dikabí tongá koontongan kon ḷuai i moḷunat, ná umpama moḷambá kon buok andeka momaké in ḷambá ibanea mako, andeka mogiḷambung doman inta mongomahaḷ.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.