KINOBAḺIAN 24:18 - Alkitab Singog In Mongondow Masa In Tanaa

¹⁸ Mongodeaga tatua in notubag, “Ponginumdon, Amá,” bo baḷúneadon pinopoponag in buyungnea tatua nongkon obaganea, bo takin kokada-kadainea in buyung tatua inogoianneadon nonginum in bobantung tatua.

KINOBAḺIAN 24:18 Iomraidhean Croise

KINOBAḺIAN 24:14

Akuoi in moguman kon intau tobatú nongkon sigad monia, ‘Tuḷungaipa bo poponagpa in tampat in tubigmu bo ogoiaipa akuoi in tubig inumonku.’ Aka tubagannea, ‘Ponginumdon, bo unta mita doman i amá in daitonku poinumon!’ Yo sia tuata inta piniḻí i Tuhan kon i Ishak bobantung-Mu tua. Aka ná tatua in mobaḻí, yo kotaauankudon kon ki Tuhan nonotabidon kon i tuangku Abraham.”

KINOBAḺIAN 24:46

Baya-bayánea bo pinopoponag in buyung tatua nongkon obaganea bo noguman, ‘Ponginumdon, bo unta mita i Amá in poinumonku doman.’ Bo nonginumdon in akuoi, nopaḷut mako untaku mita tatua pinoinumnea doman.

DATU MITA IMITÁNEA 17:11

Naonda in boba-bobay tatua minayá sin mogamá kon tubig tatua, ki Elia in noguman doman, “Iná podiaaipa doman in akuoi kon roti topilik.”

AMSAL 31:26

Pososingognea in moḷukó totok; tosingogonnea mita in mobijaksana.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.