KINOBAḺIAN 24:15 - Alkitab Singog In Mongondow Masa In Tanaa

^15-16 Kon dodai in sia yogotpa mosambayang tua, ki Ribka, mongodeaga tobatú inta totok in moḷunat bo diápa doman dodai onda in nosiug takin ḷoḷaki, noiangoidon kon parigí tatua kodia-dia in buyung inta kopota-potaannea. Sia in ki adí i Betuel, guranganea in ki Nahor bo ki Milka; ki Nahor tua ki guya-guyang i Abraham. Ki Ribka minayá in parigí tatua bo nomonu kon buyungnea, bodongka nobui.

KINOBAḺIAN 24:15 Iomraidhean Croise

KINOBAḺIAN 11:27

Naadon buí i Terah: Ki Terah ki amá i Abram, i Nahor bo i Haran. Ki Haran in kogadí kon adí ḷoḷaki, tangoinea in ki Lot.

KINOBAḺIAN 11:29

Ki Abram in notonibuḷoi takin i Sarai, bo ki Nahor notonibuḷoi takin i Milka ki adí bobay i Haran. Ki Haran kogadípa kon adí ḷoḷaki ibanea, tangoinea in ki Yiska.

KINOBAḺIAN 21:14

Nobangon monik doḷo-doḷom, ki Abraham nobogoi in kaanon bo botutu kuḻit binonuan in tubig sin baḷun monia kon daḷan. Pinopobabaneadon kon i Hagar in adí tatua, bodongka pinotabánea minayá in bobay tatua. Ki Hagar in nobuatdon bo minayá nongin padang gurun Bersyeba.

KINOBAḺIAN 24:14

Akuoi in moguman kon intau tobatú nongkon sigad monia, ‘Tuḷungaipa bo poponagpa in tampat in tubigmu bo ogoiaipa akuoi in tubig inumonku.’ Aka tubagannea, ‘Ponginumdon, bo unta mita doman i amá in daitonku poinumon!’ Yo sia tuata inta piniḻí i Tuhan kon i Ishak bobantung-Mu tua. Aka ná tatua in mobaḻí, yo kotaauankudon kon ki Tuhan nonotabidon kon i tuangku Abraham.”

KINOBAḺIAN 24:24

“Ki amáku in ki Betuel, ki adí i Nahor bo i Milka,” tubag in mongodeaga tatua.

KINOBAḺIAN 24:45

Diápa akuoi nopaḷut nosambayang kon bonu in ginaku, namangoidon in ki Ribka nomotaan kon buyung bodongka nonangkob kon parigí tatua. Onda intua akuoi in noguman kon inia, ‘Tuḷungaipa ogoiai akuoi in tubig inumon.’

KINOBAḺIAN 25:20

Ki Ishak in umurdon opat nopuḷú notaong tungkuḷ in sia nonika takin i Ribka, ki adí i Laban, inta ki adí i Betuel, intau in Aram nongkon Mesopotamia.

KINOBAḺIAN 29:5

Ki Yakub in noḻibó bui, “Kinotaauan monimu in ki Laban ki adí i Nahor?” “Kinotaauan,” tubag monia.

KINOBAḺIAN 29:9

Koyogotpa in ki Yakub nongongumanmai monia, ki Rahel namangoidon takin kodia-dia in paanan bembé dombanea.

MAZMUR 34:15

Poyayúdon in inta moraat, bo aidaidon in inta mopia, ḷongasidon totok in mobiag mododamean.

MAZMUR 65:2

Patusbí in kami modayow kon ini-Mu kon Sion, o Allah, bo mogintompod kon dandi nami kon ini-Mu.

AMSAL 31:27

Sia in umuranbí morajing in mogaid bo monondudut kon oaidan in tombonu in baḷoinea.

YESAYA 58:9

Aka moiko mosambayang, indongogan-Ku intua. Aka moiko mokuani kon i-Nakó, tubagan-Ku. Dikadon bui mondorot kon tumpaḷa intau, gogaiaidon in sosaturuan bo tapud.

YESAYA 65:24

Kon tungkuḷ in mosia diápa mopoigum Akuoi in motubag; kon tungkuḷ in mosia diápa mopaḷut mosambayang, Akuoi in notubagdon kon sambayang monia.

RUT 2:17

Ki Rut tantúdon nopuyut kon gandum kon gobá nodapot in ḷoḷabungnea. Naonda in pinorotneadon in pangkoi mita in gandum sinbá motontak in bungainea mita, indoianmai yo nokouḻí in sia kon mopuḷúmai nokilo.

RUT 2:2

Kon singgai tobatú ki Rut noguman kon i Naomi, “Iná, ogoipa in akuoi mayá in gobá mopuyut kon gandum inta degá nopipik ande kinotaḷáan in mokokoyut mita. Rasaanku in oyúonbí in intau motabi bo mopomayá mako kon inakó mopuyut kon tua.” “Mopia, uḻe!” tubag i Naomi, “bayádon!”