KINOBAḺIAN 24:13 - Alkitab Singog In Mongondow Masa In Tanaa

¹³ Indoiaika, akuoi in sinimindog kon diug in parigí tanaa. Topilikpa bo mongodeaga mita nongkon kotá tanaa momangoi monangkob kon naa.

KINOBAḺIAN 24:13 Iomraidhean Croise

KINOBAḺIAN 24:11

Naonda in noyaput kon tua, pinopogogaineadon in unta mita tatua sinbá mogogaipa kon diug in tobatú parigí kon ḷuai in kotá. Singgai moḷoḷabungdon, bo tuadon in wakutunea bobay mita mamangoi in parigí tatua sin monangkob kon tubig.

KINOBAḺIAN 24:14

Akuoi in moguman kon intau tobatú nongkon sigad monia, ‘Tuḷungaipa bo poponagpa in tampat in tubigmu bo ogoiaipa akuoi in tubig inumonku.’ Aka tubagannea, ‘Ponginumdon, bo unta mita doman i amá in daitonku poinumon!’ Yo sia tuata inta piniḻí i Tuhan kon i Ishak bobantung-Mu tua. Aka ná tatua in mobaḻí, yo kotaauankudon kon ki Tuhan nonotabidon kon i tuangku Abraham.”

KINOBAḺIAN 24:43

Akuoi in tantúpabí simindog mako kon diug in parigí tanaa. Aka tobatú mongodeaga mamangoi sin monangkob kon tubig, yo akuoi in moigum kon inia kon tubig inumonku.

MAZMUR 37:5

Poandoḷdon in kobiaganmu kon i Tuhan, pongamangdon kon i-Nia, Sia in motuḷungbí kon inimu.

AMSAL 3:6

Toropbí in ki Tuhan kon bayongan in aidanmu, dá tundúon-Neabí in kobobiagmu inta mopia.

YOHANES 4:7

Bo murí-Nea mita minayádon in kotá sin notaḷui kon kaanon. Diá noonggot kon tua oyúon tobatú bobay in Samaria in namangoi sin monangkob. Ki Yesus in noguman kon inia, “Iná, motaau degá in Akuoi moigum kon tubig inumon-Ku?”

HAKIM MITA 5:11

Kon diug in parigí mita kinodongogandon in intau nodondong noyotakin, mongonguman bui kon kinountungan i Tuhan inta mopobui-buimai, kinountungan in Israel, umat i Tuhan. Dá nopipidon in mosia minayá in ngara in kotá.