KINOBAḺIAN 24:12 - Alkitab Singog In Mongondow Masa In Tanaa

¹² Bo bobantung tatua in nosambayang, “Tuhan, ki Allah i tuangku Abraham, tuḷungaidon sinbá onu in pinoki aid kon inakó kodapotankudon in singgai naa; kotabipa in ki tuangku ki Abraham.

KINOBAḺIAN 24:12 Iomraidhean Croise

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

KINOBAḺIAN 24:21

Dodai intua bobantung i Abraham umuran monarukiramai takin diábí noposingo-singog. Sia in moibog monotaau mongo baḻíondon i Tuhan bobayáannea bo oaidannea tatua kodapotan ande diá.

KINOBAḺIAN 24:27

Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

KINOBAḺIAN 24:42

Bo naonda in akuoi nodapot kon parigí koina, akuoi in nosambayang kon bonu in gina, ‘Tuhan, Allah i tuangku Abraham, poigumonku sinbá onu in pinoki aid i tuangku kon inakó yo kodapotankupa doman.

KINOBAḺIAN 24:48

Akuoi in dinumokó nosumba bo nodayow kon i Tuhan, Allah i tuangku Abraham. Sia in bayá-bayádon nodia kon inakó namangoi in naa, kon ginaḷum i tuangku, nodapot in akuoi bayá-bayádon noyodungkuḷ in mongodeaga sin potonibuḷoion kon i adínea.

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 27:10

Onda intua diádon kon inia sinbá kaanonnea, bo mopaḷut mako kon tua sia in momarakatdon kon inimu kon dodai in sia diápa matoi.”

KINOBAḺIAN 27:20

Ki Ishak noguman, “Totokbí in notoyong kinouḻíanmu, Uḻe.” Tubag i Yakub, “Sin makoan doman ki Tuhan Allah inta sinumba i papa aindon notuḷung kon inakó.”

KINOBAḺIAN 28:13

Bo kon diugneamai sinimindogdon in ki Tuhan bo noguman, “Akuoi naa in ki Tuhan, Allah inta sinumba i Abraham bo i Ishak. Akuoi in mobogoi kon inimu bo kon buímu in butá tampat inta pinosiuganmu tanaa.

KINOBAḺIAN 31:42

Aka kuma bo akuoi diá iḷukadan i Allah in mogoguyangku, ki Allah inta sinumba i Abraham bo i Ishak, dá tantú akuoi ain bidon pinotabámu minayá takin diá nodia kon onu bo onu. Táe ki Allah ain noindoi kon rorigaku bo oaidan inta ain inaidanku, bo kogobíi Sia ain nobogoi in kaputusan-Nea.”

KINOBAḺIAN 32:10

Akuoi in diá patus motarima kon bayongan tabi bo kososatia inta ain pinoontong i Tuhan kon inakó. Naonda in akuoi nobuat iḷumoḷan kon Ongkag in Yordan, akuoi in diábí nodia kon onu bo onu koḻikudbí in tungkud. Tanaa akuoi in nobui mangoi takin nobaḻídon doyowa nokolompok tanaa.

KINOBAḺIAN 32:9

Onda intua ki Yakub in nosambayang, “O Allah, inta sinumba i akiku ki Abraham, bo i amáku ki Ishak, indongogaipa in akuoi! Ki Tuhan ain nopotabá kon inakó mobui kon butáku bo kon ginaḷumku. Bo ki Tuhan nodandi kon monompia kon inakó.

KINOBAḺIAN 43:14

Poigumon mako ki Allah Inta Totok in Mokawasa mopobaḻí kon i gubernur tatua motabi kon i monimu, dapot in moibogdon in sia mopobui mangoi kon i Benyamin bo kon i Simeon kon i monimu. Yo akuoi naa, aka mustibí kobuḻian i adíku mita, yo donaaidon mako aka tuabí in mobaḻí.”

DATU MITA IMITÁNEA 18:36

Naonda in orasdon moposumba in kuruban ḷoḷabungnea, ki Nabi Elia in dinimiug kon mezbah tatua bo nosambayang, “Oo Tuhan, Allah inta sinumba i Abraham, i Ishak bo i Yakub, poniatadon in tanaa mako kon Ikobí in Allah kon Israel, bo akuoi naa in mogogundoi-Mu. Poniatadon doman kon bayongan inta pinomiaku naa in parenta-Mubí.

DATU MITA 2 2:14

bo nopomobak in jubah i Elia tatua kon tubig poḷat noguman, “Kon onda in ki Tuhan, Allah i Elia tatua?” Naonda in pinomobaknea mako in jubah tatua kon tubig in ongkag tatua, nosilai doyowa in tubig tatua bo minayá in sia in ḷoḷan.

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

NEHEMIA 2:4

Ki datu in noḻibó, “Dá, onu in koibogmu?” Akuoi in nosambayang kon i Allah inta nongawasa kon soroga,

MAZMUR 118:25

Poigumon nami, Tuhan, posaḷamatpa in kami, o Tuhan, pountungdon in kami!

MAZMUR 122:6

Posambayangdon kon kotompiaan in Yerusalem: “Igumon mako bayongan in intau inta moibog kon inimu in motompia.

MAZMUR 127:1

Dondong i Salomo. Aka deeman ki Tuhan in noposindog in baḷoi, yo diábí in mangaḻe in mogogimoknea mita mogaid. Aka deeman ki Tuhan in moḷukad kon kotá, yo diábí in mangaḻe in poḷukadan in moḷoḷukad.

MAZMUR 37:5

Poandoḷdon in kobiaganmu kon i Tuhan, pongamangdon kon i-Nia, Sia in motuḷungbí kon inimu.

IḶUAIAN 3:15

Potaau domandon kon i monia kon Akuoi, Tuhan, ki Allah in mogoguyang monia, ki Allah i Abraham, i Ishak bo i Yakub, nopotabá kon inimu namangoi kon i monia. Akuoibí naa in ki Tuhan, tuata in tangoi-Ku mononoi. Tuata in ponangoi kon i-Nakó kon bayongan bangusa dapot in adí bo ompu.

IḶUAIAN 3:6

Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

AMSAL 3:6

Toropbí in ki Tuhan kon bayongan in aidanmu, dá tundúon-Neabí in kobobiagmu inta mopia.

MATIUS 22:32

‘Akuoi in ki Allah i Abraham, ki Allah i Ishak bo ki Allah i Yakub.’ Sia deemanbí ki Allah in intau minatoi, táe ki Allah in intau nobiag!”

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.