KINOBAḺIAN 24:10 - Alkitab Singog In Mongondow Masa In Tanaa

¹⁰ Bobantung tatua in nogamá kon unta mopuḷú takin noyagi-yagimai in barang inta koboḻi kapunyaan i tuangnea bo nobuat minayá in kotá tampat pinogutunan i Nahor kon tungkuḷ in nobiagpa; tampat tatua noiukat kon dotá in utuan Mesopotamia.

KINOBAḺIAN 24:10 Iomraidhean Croise

KINOBAḺIAN 11:26

Naonda in ki Terah umur pitu nopuḷú notaong, sia in nokouḻí kon adí ḷoḷaki taya toḷu: ki Abram, ki Nahor bo ki Haran.

KINOBAḺIAN 11:29

Ki Abram in notonibuḷoi takin i Sarai, bo ki Nahor notonibuḷoi takin i Milka ki adí bobay i Haran. Ki Haran kogadípa kon adí ḷoḷaki ibanea, tangoinea in ki Yiska.

KINOBAḺIAN 11:31

Ki Terah in nonaḷámai kon kotá in Ur kon Babilonia noyotakin i Abram ki adínea, bo ki Lot ki ompunea, bo ki Sarai mototakanea bobay. Makusudnea mayá in butá in Kanaan. Táe naonda noyaputmai kon Haran, mosia nogutun notantú kon tua.

KINOBAḺIAN 11:32

Bo kon tampat tatua doman ki Terah minatoi kon dodai in sia umur doyowa nogatut bo ḻima notaong.

KINOBAḺIAN 22:20

Ki Abraham koguya-guyang kon ḷoḷaki inta tangoinea in ki Nahor. Naonda in onu inta nobaḻí kon Buḷud in Moria tatua, ki Abraham in nokodongog kon ki Milka, ki buḷoi i Nahor aindon waḷu in ki adínea ḷoḷaki, naa in tangoi monia:

KINOBAḺIAN 24:2

Kon singgai tobatú ki Abraham in nogumandon kon bobantungnea inta totok in guya-guyang, inta nonompia kon bayongan kapunyaannea, “Poukatdon in ḻimamu kon sigad in páaku.

KINOBAḺIAN 24:22

Naonda in unta nonginumdon dapot in nooropdon totok, bobantung i Abraham in nogamádon kon ḷambá mita buḷawan inta nongo mahaḷ, bodongka pinopopakénea kon ngiung in mongodeaga tatua. Bo kon poguḻingkitannea pinopoḷutudannea doman ḻingkit in buḷawan togapang.

KINOBAḺIAN 24:53

Bo sia nopoḷuai in pakeang, ḷambá saḷaka bo buḷawan, bo inogoi in tua komintan kon i Ribka. Ki guya-guyangnea bo ki inánea inogoiannea doman in tombuinag inta mongomahaḷ.

KINOBAḺIAN 27:43

Dá tanaa, aidaidon onu in pogumanku kon inimu. Ḷagidon bayá kon i guya-guyangku ki Laban kon Haran,

KINOBAḺIAN 29:1

Ki Yakub nogingguput kon bobayánea bo minayá in butá inta kon dotá in pomukaan kon Kanaan.

KINOBAḺIAN 29:2

Bo daḻí in sia nokoontong kon parigí kon tua, bo kon diugneamai inumuḻid mako toḷu nopaanan in bembé domba inta biasamai poinumon kon tua. Parigí tatua sinaḷoban in batu moḷoben.

TAWARIKH 1 19:6

Bo ki Datu Hanun bo intau in Amon nonotaaudon kon aid monia tua in nokopopisídon kon i Daud nosaturu kon i monia. Tuamai in nokidiadon in mosia kon 34.000 nokilo in saḷaka kon butá in Mesopotamia Ḻimonik, bo kon Maakha bo Zoba kon Siria sin monondan kon 32.000 in kereta in parang bo tontara inta tumakoi kon kabaḷo. Dá namangoidon in tontara i Datu Maakha takin bayongan in kereta in parang inta sinondanan tatua bo nononḷoḷaigan kon diug in Medeba. Intau in Amon in namangoi domandon nongkon bayongan in kotá monia sin moparang.

OUMAN IN RASUL MITA 2:9

Kita naakan, intaubí in Partia, Media, Elam; Mesopotamia, Yudea, Kapadokia; Pontus, Asia,

ULANGAN 23:4

sin mosia in doí nobogoi in kaanon kon i monimu kon tungkuḷ in moiko kon binayáan iḻumuai nongkon Mesir. Nodapotbí in mosia nonondan kon i Bileam, adí i Beor nongkon kotá in Petor kon Mesopotamia, sin mongutuk kon i monimu.