KINOBAḺIAN 24:1 - Alkitab Singog In Mongondow Masa In Tanaa

¹ Ki Abraham nogoguyangdon totok, bo totok doman binarakatan i Tuhan in sia onukadon in inaidannea.

KINOBAḺIAN 24:1 Iomraidhean Croise

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 13:2

Ki Abram in nobiag nooyúon totok; kon inia noantó in domba, bembé, sapi, saḷaka bo buḷawan.

KINOBAḺIAN 18:11

Tungkuḷ intua ki Abraham bo ki Sara nogoguyangdon totok, ki Sara in diádon angoionmai muḷoi in buḷan.

KINOBAḺIAN 21:5

Ki Abraham umurdon mogatut notaong tungkuḷ in ki Ishak pinononggadí.

KINOBAḺIAN 24:35

Ki Tuhan in nomarakat totok kon i tuangku tua bo binaḻí-Nea nooyúon totok. Ki Tuhan ain nobogoi kon inia in paanan in domba, bembé, sapi, unta, keledai, bo saḷaka doman, buḷawan, takin doman bobantung ḷoḷaki bo bobay.

KINOBAḺIAN 25:20

Ki Ishak in umurdon opat nopuḷú notaong tungkuḷ in sia nonika takin i Ribka, ki adí i Laban, inta ki adí i Betuel, intau in Aram nongkon Mesopotamia.

KINOBAḺIAN 26:12

Ki Ishak nonompinomuḷa kon butá tatua, bo taong tatua sia in nokouḻí kon bungai in boyó mogatut noguntuḷ nongkon onu inta pinomuḷanea, sin ki Tuhan nomarakat kon inia.

KINOBAḺIAN 49:25

Ki Allah i amámu motuḷung kon inimu; Inta Totok in Mokawasa momarakat kon inimu takin mobogoi in uyan nongkon ḷangit bo tubig nongkon ḻimonag in butá. Takin adí bo sapi,

DATU MITA IMITÁNEA 1:1

Ki Datu Daud in nogoguyangdon totok. Umpakabí dinaingandon in sia in daing inta mobunod, táe umuranbí domandon tumonow in sia.

AMSAL 10:22

Tongábí popisí in barakat i Tuhan dá intau in mobaḻí mooyúon; simiḷopí totok diábí mokodugang kon kaoyúonan.

YESAYA 51:2

Toropdon in mogoguyangmu ki Abraham bo ki Sara inta nopononggadí kon i monimu; kon tungkuḷ in Akuoi nogoiní kon i Abraham, Sia in diá kogadí; bo binarakatan-Ku in sia bo inogoian-Ku in buí inta mobayong.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

LUKAS 1:7

Tongá mosia naa in diá kogadí, sin ki Elisabet in bantó bo taya dua naa aindon mogoguyang doman.

GALATIA 3:9

Dá mosia inta mopirisaya, barakatan moyotakin i Abraham, intau inta totok in mopirisaya tua.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.