KINOBAḺIAN 23:9 - Alkitab Singog In Mongondow Masa In Tanaa

⁹ sinbá ogoineadon taḷuionku in Angob in Makhpela inta noiukat kon bingkí in gobánea. Poigumdon bá potaḷuineadon tua kon inakó kon naa takin koonto-ontong i Utat mita. Boḻinea daitonkubí ogoi kotompodon, sinbá butá tatua in mobaḻídon kapunyaanku.”

KINOBAḺIAN 23:9 Iomraidhean Croise

KINOBAḺIAN 23:10

Kon dodai intua ki Epron ḻimitú doman mako takin intau mita in Het kon pinoyodungkuḷan kon ngara moḷoben in kotá. Bo takin koonto-ontong in bayongan intau kon tua, sia in notubag,

KINOBAḺIAN 23:4

“Akuoi naa in intau mokokiangoi inta nogutun kon yua-yuak i Utat mita; dá ogoipa in akuoi motaḷui kon butá sinbá oyúon in poḷobonganku kon i buḷoiku.”

KINOBAḺIAN 23:8

bo noguman, “Aka tai Utat mita bo mosanangbí in gina dá akuoi moḷobongdon kon i buḷoiku kon naa, dá tuḷungaipa in akuoi poigumai kon i Epron, ki adí ḷoḷaki i Zohar,

KINOBAḺIAN 25:10

táe ain sinaḷui i Abraham nongkon intau in Het tatua. Ki Sara ki buḷoi i Abraham, iḷobong doman kon tua.

KINOBAḺIAN 49:29

Onda intua ki Yakub nongoyow kon i adínea mita, “Diádon moonggot in akuoi bo matoidon ná mogoguyangku. Ḷobongdon in akuoi kon símai monia kon bonu in angob kon Makhpela, kon dotá in pomukaan kon Mamre kon butá in Kanaan. Ki Abraham ain notaḷui kon angob bo gobá kon diugneamai nongkon i Epron intau in Het sin baḻíon tampat poḷoḷobongan.

KINOBAḺIAN 50:13

Mosia in nodia kon mayatnea pinobayá in Kanaan bo iḷobong kon bonu in angob in Makhpela, kon dotá in pomukaan kon Mamre, kon gobá inta ain sinaḷui i Abraham kon i Epron intau in Het tatua, sin baḻíon poḷoḷobongan.

TAWARIKH 1 21:22

Guman i Daud kon inia, “Moibog in akuoi moposindog in mezbah kon tampat tanaa sin posumbaan kon i Tuhan, sinbá yampoi tanaa in mogogaidon. Tuamai in potaḷuidon in butá tanaa kon inakó. Pogumandon mongo tongonu in boḻinea, uboḻiankudon.”

TAWARIKH 1 21:24

Táe ki datu in notubag, “Dika! Taḷuoionkubí intua podudui in boḻinea. Doíbí in akuoi moposumba kon i Tuhan in onu in kapunyaanmu andeka onu inta nouḻíku diá siniḷopían.”

SURAT I PAULUS KON JAMAAT RUM 12:17

Aka intau mopoaid in moraat kon inimu yo donaaibí tuḻíanmu in moraat. Aidaibí in onu inta inanggap mopia in bayongan intau!

SURAT I PAULUS KON JAMAAT RUM 13:8

Donaaidon monomboḻi kon onuka kon inekabí, táe moiko in musti mototabian. Sin intau inta motabi kon tumpaḷa intau, sia tua ain dinumudui kon bayongan hukum i Musa.