KINOBAḺIAN 22:9 - Alkitab Singog In Mongondow Masa In Tanaa

⁹ Naonda in mosia nodapotdon kon tampat inta pinoguman i Allah kon i Abraham, sia in noposindog in mezbah tobatú bodongka nopotudu in kayu inta pakéon potubaan tatua. Nopaḷut mako kon tua sinogotneadon in ki adínea bo pinopouḻidnea kon tudu in mezbah tatua, kon tudu in kayu inta tubáan tatua.

KINOBAḺIAN 22:9 Iomraidhean Croise

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 12:8

Nopaḷut mako kon tua sia nongingguputdon kon bobayáannea nopobayá in toḷatan, kon butá inta notombu-tombuḷud kon dotá in pomukaan kon kotá in Betel, bo nogaid kon ḷoḷaigan kon sigad in Betel bo kotá in Ai: Betel kon dotá in toyopan bo Ai kon dotá in pomukaan. Kon tua sia in noposindog doman in mezbah tobatú bo nosumba kon i Tuhan.

KINOBAḺIAN 13:18

Onda intua ki Abram nomamping kon ḷoḷaigannea bodongka nogutun notantú kon diug in pangkoi in kayu mita karamat tampat pososumbaan kon Mamre kon diug in Hebron, bo kon tua sia in noposindog in Mezbah kon i Tuhan.

KINOBAḺIAN 22:10

Onda intua ginamáneadon in tosilad sin ponumbukdon kon i adínea.

KINOBAḺIAN 22:8

Ki Abraham in notubag, “Ki Allahbí in moposadia in tua.” Bo taya dua in nogingguputdon kon bobayáan.

KINOBAḺIAN 8:20

Ki Nuh noposindog in mezbah tobatú kon i Tuhan. Sia in nogamá kon tumongo batu nongkon sigad in ḷagapan bo mahaḷuk mita ibanea inta halal, bodongka pinosumbanea saḷaku kuruban inta sinubá kon tudu in mezbah tatua.

DATU MITA IMITÁNEA 18:33

Ginuntuḷneadon in kayu pondungú kon tudu in mezbah, bo sapi inta tobatú tatua in iyinga-yingatneadon bo inukatnea kon tudu in kayu tatua. Onda intua noguman in sia, “Bonuaidon in tubig kopuḻing in tampayang opat, bo popobutakdon in tubig tatua kon tudu in sosumba kuruban bo kayunea.” Naonda in nopaḷutdon inaidan monia intua,

MAZMUR 118:27

Ki Tuhan in ki Allah, Sia in mopia in gina kon inaton. Bayádon in muna moyotakin kokada-kadai in tanga, bo ḻibudon in mezbah i Tuhan.

MATIUS 27:2

Sinogot monia in Sia, bo dinia pinosarakan kon i Pilatus, gubernur kon butá tatua.

MARKUS 15:1

Subupa totok, bayongan Mahkama Agama, imang mita itoi bo itoi mita intau in Yahudi bo mototundú mita kon agama nogaid kon pinoyodungkuḷan motoyong. Onda intua sinogot monia in ḻima i Yesus bo dinia pinosarakan kon i Pilatus.

OUMAN IN RASUL MITA 8:32

Naa in tontagá inta binacanea tua, “Sia in naonda bo domba inta diaan ratáan, ná ki adí in domba inta tongá kibio-biómai aka gonsingan in bubuḷnea, natua in Sia diábí moposingo-singog.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

YAKOBUS 2:21

Indoiaika in ki Abraham mogoguyang naton. Sia in sinarima nopia i Allah popisíbí in oaidnea, wakutu in sia noposumba kon i adínea ki Ishak. Pinosumbanea kon i Allah kon tudu in mezbah.

PETRUS 1 2:24

Ki Kristusbí tontaní in notanggung kon dosa mita naton. Tua mita in sinanggung-Nea kon tudu in Kayu pinoyotaḻempang, sinbá kita in moipilatdon kon bonu in kawasa in dosa, bo mobiagdon podudui in ibog i Allah. Kekeb-Neabí mita tatua inta mokopia kon i monimu.