KINOBAḺIAN 22:8 - Alkitab Singog In Mongondow Masa In Tanaa

⁸ Ki Abraham in notubag, “Ki Allahbí in moposadia in tua.” Bo taya dua in nogingguputdon kon bobayáan.

KINOBAḺIAN 22:8 Iomraidhean Croise

KINOBAḺIAN 18:14

Eta oyúon in diá komampuan i Tuhan aidan? Ná inta pinoguman-Ku koina, siowpa nobuḷan Akuoi in mobui mangoi kon naa. Bo kon dodai intua ki Sara in mopononggadídon in adí ḷoḷaki.”

KINOBAḺIAN 22:14

Tampat tatua sinangoian i Abraham “Ki Tuhan noposadia onu inta paraḷu”. Bo dapot in masai naa intau moguman “Kon tudu in buḷud-Nea ki Tuhan moposadia kon onu inta paraḷuon”.

KINOBAḺIAN 22:7

ki Ishak in noḻibó, “Papa!” Ki Abraham notubag, “Nongonu uḻeku?” Ki Ishak in noḻibó, “Kita ain nodia kon tuḷú bo kayu, táe ondabí in ki adí in domba inta pakéon kuruban tubáan tua?”

KINOBAḺIAN 22:9

Naonda in mosia nodapotdon kon tampat inta pinoguman i Allah kon i Abraham, sia in noposindog in mezbah tobatú bodongka nopotudu in kayu inta pakéon potubaan tatua. Nopaḷut mako kon tua sinogotneadon in ki adínea bo pinopouḻidnea kon tudu in mezbah tatua, kon tudu in kayu inta tubáan tatua.

DATU MITA 2 2:6

Onda intua nogumandon in ki Elia kon i Elisa, “Kon naapa. Akuoi in pinotabá i Tuhan mayá in Ongkag in Yordan.” Táe ki Elisa in notubag, “Podoyon kon i Tuhan inta nobiag bo podoyon kon nyawa i Amá, diábí in akuoi monaḷámai kon i Amá.” Dá nongingguputdon in mosia kon bobayáan nodapot in Ongkag in Yordan,

TAWARIKH 2 25:9

“Dá naonda degá in bayongan saḷaka inta ain inogoiku kon i monia?” iḻibó i Amazia. Ki Nabi tatua in notubag, “Ki Tuhan in mokopobuibí kon i Tuang moiḻiu nongkon tua!”

MATIUS 19:26

Ki Yesus inimindoi kon i monia bo nosingog, “Aka podudui in raian intau yo tua in mororigabí aidan! Táe aka kon i Allah, yo mogampangbí totok intua.”

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

YOHANES 1:36

Naonda inontongnea in ki Yesus noitaḻib, Sia in noguman: “Indoiai! Tuata in Adí Domba i Allah.”

WAHYU 13:8

Mahaḷuk tatua sumbáanbí in bayongan intau inta nobiag kon dunia naa. Intau mita inta diápa kinopaisan in tangoi monia kon bonu in buk kobiagan inta kapunyaan i Adí in Domba inta ain iratá, pinangkoipamai kon dunia naa diápa pinomia.

WAHYU 5:12

Bo mosia in nodondong noropot nanaa, “Ki Adí in Domba inta ain iratá tatua, patusbí motarima kon kawasa, kaoyúonan, kabijaksanaan bo ropot; Sia in patusbí horomaton, poḷantudon bo dayo-dayowon!”

WAHYU 5:6

Noiduduimai bui kon tua akuoi in nokoontong kon tobatú ki Adí in Domba sinimindog kon yua-yuak in tampat pomomarentaan tatua bo iḻibu in mahaḷuk opat bo bayongan itoi tatua. Ki Adí in Domba tatua in nádon onda bo ain iratá. Pitu in tungoi-Nea bo pitu doman i mata-Nea. Tuata in Roho i Allah inta ain pinotabá-Nea kon bayongan dunia naa.

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.