KINOBAḺIAN 22:3 - Alkitab Singog In Mongondow Masa In Tanaa

³ Nobangon monik doḷo-doḷompa, ki Abraham noniai kon kayu sin pakéon potubaan kon kuruban, kayu tatua sinogotnea mako bo pinopobaba kon keledainea. Sia in minayá takin i Ishak bo bobantungnea doyowa, mosia nopobayá in tampat inta pinoguman i Tuhan kon inia.

KINOBAḺIAN 22:3 Iomraidhean Croise

KINOBAḺIAN 17:23

Kon singgaipa doman tatua, ki Abraham dinumudui kon onu inta pinoguman i Allah bo sinunatneadon in ki Ismael ki adínea tatua, bo bayongan intau ḷoḷaki inta kon bonu in baḷoinea, pinotakin doman in bayongan bobantungnea inta pinononggadí kon bonu in baḷoinea ande inta sinaḷuinea.

KINOBAḺIAN 21:14

Nobangon monik doḷo-doḷom, ki Abraham nobogoi in kaanon bo botutu kuḻit binonuan in tubig sin baḷun monia kon daḷan. Pinopobabaneadon kon i Hagar in adí tatua, bodongka pinotabánea minayá in bobay tatua. Ki Hagar in nobuatdon bo minayá nongin padang gurun Bersyeba.

KINOBAḺIAN 22:18

Bayongan in bangusa kon dunia naa in mopoigum kon i-Nakó sinbá Akuoi momarakat kon i monia ná Akuoi ain nomarakat kon buímu – sin iko ain dinumudui kon parenta-Ku.”

KINOBAḺIAN 22:2

Guman i Allah, “Bayádon kon butá in Moria takin ki Ishak, ki adímu tuḷong tua, inta totok in kinotabimu tua. Kon tua, kon buḷud tobatú inta tundúon-Ku kon inimu, posumbadon in ki adímu tatua kon i-Nakó mobaḻí kuruban inta tubáan.”

KINOBAḺIAN 22:4

Kon singgai intoḷunea kon binayáan inontongdon i Abraham in tampat tatua nongkon moyayú.

MAZMUR 119:60

Akuoi in ḻimikatbí bo diábí mogoḷat sin mopobayá in parenta-Mu.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

MATIUS 10:37

Ki ine in motabi kon i amánea andeka kon i inánea moiḻiu kon tabinea kon i-Nakó sia tua in diá patus mobaḻí dumodudui-Ku. Natua doman ki ine in motabi kon i adínea ḷoḷaki andeka bobay bo moiḻiu kon tabinea kon i-Nakó, sia doman tua in diá patus mobaḻí dumodudui-Ku.

LUKAS 14:26

“Aka intau mamangoi kon i-Nakó, táe sia in motabi-tabi kon i iná bo kon i amánea andeka kon i adíneabí bo kon i buḷoinea bo kon awaknea tontaní, yo sia tua in diá motaau mobaḻí dumodudui-Ku.

GALATIA 1:16

Pinoontong-Nea kon i nakó in ki Adí-Nea sinbá Habar Mopia soaḷ ki Adí-Nea bayáanku poyaputon kon intau mita inta deeman Yahudi. Bo wakutu intua akuoi in diábí minayá kon i ineka sin noigum kon tonggina.

IBRANI 11:8

Popisí in mopirisaya, dá ki Abraham in dinumudui kon i Allah wakutu inoiní i Allah bo pinotabá minayá in butá inta pinodandi i Allah ogoi kon inia. Ki Abraham in minayábí doman umpaka diápa kinotaauannea mongo kon onda in bayáan.

YOSUA 3:1

Nopoikoḷomai kon singgai, ki Yosua bo bayongan umat in Israel nobangon subupa totok, bo nonaḷámai kon pinononḷoḷaigan monia kon Sitim, bo minayá in Ongkag in Yordan. Kon tua in mosia nononḷoḷaigan sin mogoḷat kon wakutu monia ḷumoḷan.

YOSUA 8:10

Subupa totok ki Yosua nobangon bo nomarenta kon tontaranea mita sinbá moyosipun. Onda intua sia bo itoi mita in umat in Israel nodia kon tontara tatua minayá in Ai.