KINOBAḺIAN 22:23 - Alkitab Singog In Mongondow Masa In Tanaa

²³ inta nobaḻí ki amá i Ribka. Taya waḷu tuata in ki adí i Milka kon i Nahor, ki utat i Abraham.

KINOBAḺIAN 22:23 Iomraidhean Croise

KINOBAḺIAN 11:29

Ki Abram in notonibuḷoi takin i Sarai, bo ki Nahor notonibuḷoi takin i Milka ki adí bobay i Haran. Ki Haran kogadípa kon adí ḷoḷaki ibanea, tangoinea in ki Yiska.

KINOBAḺIAN 22:22

Ki Kesed, ki Hazo, ki Pildas, ki Yidlap, bo ki Betuel,

KINOBAḺIAN 22:24

Ki Nahor in kobuḷoi kon bobantungnea inta tangoinea ki Reuma, ki buḷoinea tatua nopononggadí kon i Tebah, kon i Gaham, bo kon i Maakha.

KINOBAḺIAN 24:15

Kon dodai in sia yogotpa mosambayang tua, ki Ribka, mongodeaga tobatú inta totok in moḷunat bo diápa doman dodai onda in nosiug takin ḷoḷaki, noiangoidon kon parigí tatua kodia-dia in buyung inta kopota-potaannea. Sia in ki adí i Betuel, guranganea in ki Nahor bo ki Milka; ki Nahor tua ki guya-guyang i Abraham. Ki Ribka minayá in parigí tatua bo nomonu kon buyungnea, bodongka nobui.

KINOBAḺIAN 24:24

“Ki amáku in ki Betuel, ki adí i Nahor bo i Milka,” tubag in mongodeaga tatua.

KINOBAḺIAN 24:47

Onda intua akuoi in noḻibó, ‘Ki ine in ki amámu?’ Bo sia in notubag, ‘Ki amáku ki Betuel, ki adí i Nahor bo i Milka.’ Bo pinopopakéankudon in ḷambá buḷawan kon ngiungnea bo iḷutudanku domandon in ḻingkit kon ḻimanea.

KINOBAḺIAN 24:51

Naa in ki Ribka; pomayádon mako bá sia in tumakindon kon i Amá bo mobaḻí ki buḷoi adí i tuangmu, ná inta pinoguman i Tuhan tontaní.”

KINOBAḺIAN 24:67

Nopaḷut mako kon tua ki Ishak nodia kon i Ribka sinumuot kon ḷoḷaigan i Sara, ki inánea, bo sinonibuḷoineadon in ki Ribka. Ki Ishak motabi totok kon i Ribka; dá noḻipoidon in susa i Ishak popisí in kinopatoiandon i inánea.

KINOBAḺIAN 25:20

Ki Ishak in umurdon opat nopuḷú notaong tungkuḷ in sia nonika takin i Ribka, ki adí i Laban, inta ki adí i Betuel, intau in Aram nongkon Mesopotamia.

KINOBAḺIAN 28:2

Bayádon in Mesopotamia, kon motoḷuadí i Betuel, ki ḷakimu, bo potonibuḷoidon takin adí bobay i Laban, ki utat i inámu.

KINOBAḺIAN 28:5

Natuata inaidan i Ishak kon tungkuḷ in sia nopotabádon kon i Ishak minayá in Mesopotamia, kon i Laban, ki adí i Betuel intau in Aram tua. Ki Laban naa in ki guya-guyang i Ribka inta ki iná i Yakub bo i Esau.

SURAT I PAULUS KON JAMAAT RUM 9:10

Nanaa doman in singog i Allah: Ki Ribka mopononggadí in adí ḷoḷaki doyowa nongkon tobatú guyanga ḷoḷaki, ki Ishak in tangoinea, mogoguyang naton.