KINOBAḺIAN 22:2 - Alkitab Singog In Mongondow Masa In Tanaa

² Guman i Allah, “Bayádon kon butá in Moria takin ki Ishak, ki adímu tuḷong tua, inta totok in kinotabimu tua. Kon tua, kon buḷud tobatú inta tundúon-Ku kon inimu, posumbadon in ki adímu tatua kon i-Nakó mobaḻí kuruban inta tubáan.”

KINOBAḺIAN 22:2 Iomraidhean Croise

KINOBAḺIAN 17:19

Táe ki Allah in noguman, “Deeman. Ki Sara ki buḷoimu in mopononggadíbí in adí ḷoḷaki tobatú bo tangoianmu in adí tatua ki Ishak. Akuoi in kumadaibí tantú kon dodandian-Ku takin adí tatua bo takin buínea kinopopaḷutbí in dunia naa. Dodandian tatua in mononoi.

KINOBAḺIAN 21:12

Táe ki Allah in noguman kon i Abraham, “Donaaidon iko mohawatir kon bobantungmu ki Hagar bo ki adínea tatua. Duduiaidon in ibog i Sara, sin pongin i Ishakbí tuata iko in mokouḻí kon buí inta pinodandi-Ku tua.

KINOBAḺIAN 21:3

Ki Abraham nonangoi kon adí tatua ki Ishak;

KINOBAḺIAN 22:12

“Donaai yoyigaanmu in adí tanion ande donaaidon yagi-yagionmai in sia,” guman tuhan pinongin malaekat tatua. “Tanaa in kinotaauan-Kudon kon iko in totokbí in mohoromat bo motoindudui kon i-Nakó, popisí in iko diábí nonolak in nobogoi kon i adímu tuḷong tua kon i-Nakó.”

KINOBAḺIAN 22:16

“Ki Tuhan noguman: Akuoi mongibot podoyon kon tangoi-Ku tontaní, sin iko ain nogaid kon soaḷ tanaa bo diábí nogindoí in moposumba kon i adímu tuḷong tua kon i-Nakó,

KINOBAḺIAN 22:3

Nobangon monik doḷo-doḷompa, ki Abraham noniai kon kayu sin pakéon potubaan kon kuruban, kayu tatua sinogotnea mako bo pinopobaba kon keledainea. Sia in minayá takin i Ishak bo bobantungnea doyowa, mosia nopobayá in tampat inta pinoguman i Tuhan kon inia.

KINOBAḺIAN 22:9

Naonda in mosia nodapotdon kon tampat inta pinoguman i Allah kon i Abraham, sia in noposindog in mezbah tobatú bodongka nopotudu in kayu inta pakéon potubaan tatua. Nopaḷut mako kon tua sinogotneadon in ki adínea bo pinopouḻidnea kon tudu in mezbah tatua, kon tudu in kayu inta tubáan tatua.

KINOBAḺIAN 8:20

Ki Nuh noposindog in mezbah tobatú kon i Tuhan. Sia in nogamá kon tumongo batu nongkon sigad in ḷagapan bo mahaḷuk mita ibanea inta halal, bodongka pinosumbanea saḷaku kuruban inta sinubá kon tudu in mezbah tatua.

DATU MITA 2 3:27

Tuamai in ginamáneadon in ki adínea ḷoḷaki inta guya-guyang bo pinosumbanea kon tudu in dinding in kotá nobaḻí sosumba kon i dewa in Moab. Dá noondokdon intau mita in Israel, dá inoinídon monia inumundok in tontara monia nongkon kotá tatua bo nobui kon butá monia.

TAWARIKH 2 3:1

Ki Datu Daud in nonantúdon kon Baḷoi Tuhan in mustibí posindogon kon Yerusalem kon Buḷud in Moria kon tampat poḷoḻintogan kon gandum inta kapunyaan i Arauna intau in Yebus. Pinoposindogan kon Baḷoi Tuhan tua in ain pinangkoian i Datu Salomo

MIKHA 6:7

Degá mopia in gina i Tuhan aka kita modia poangoi kon i-Nia in ribuan domba andeka mobayong totok in ḷana in zaitun? Musti degá posumba naton kon i-Nia in ki adí naton guya-guyang mobaḻí tontobut in dosa mita naton?

YOHANES 3:16

Popisí in ná domai tua in tabi i Allah kon intau kon dunia naa, dá inogoi-Neadon in ki Adí-Nea tuḷong, sinbá bayongan in intau inta mopirisaya kon i-Nia diá in moyoyang, táe mokouḻí kon kobiagan mononoi.”

SURAT I PAULUS KON JAMAAT RUM 5:8

Táe ki Allah in noponiatadon in tabi-Nea kon i naton, kon dodai in ki Kristus pinokuruban sin kopontingan naton, kon dodai in kita binaradosapa.

SURAT I PAULUS KON JAMAAT RUM 8:32

Ki Adí-Nea tontaní in diá bidon irekeng-Neamai, táe pinosarakan-Neadon sin kopontingan naton komintan; yo diábí kumaan kon akaḷ aka kita diá ogoian in bayongan yagi-yagi?

IBRANI 11:17

Popisí doman in mopirisaya, dá ki Abraham nobaranibí in noposumba kon i Ishak saḷaku kuruban kon i Allah wakutu in inuji i Allah in sia. Ki Abrahambí tua in pinobogoian i Allah kon dandi-Nea, táe norelabí in sia in noposarakan kon i adínea inta tongá totobatú tua.

HAKIM MITA 11:31

bo mobui in akuoi takin mosaḷamat, dá ki inekabí in muna-munamai ḷumuai nongkon baḷoiku sin motomu kon inakó, yo posumbakudon in sia mobaḻí kuruban tubáan kon i Tuhan.”

HAKIM MITA 11:39

Naonda in notompodon doyowa nobuḷan, minayádon bui in sia kon i amánea, bo inaidandon i amánea in onu inta ain pinodandinea kon i Tuhan. Dá minatoidon in mongodeaga tatua kon dodai in diápa kobuḷoi. Tuabí in pinomangkoian kon nongonu sin kon yuak in intau in Israel, biasamai