KINOBAḺIAN 22:17 - Alkitab Singog In Mongondow Masa In Tanaa

¹⁷ Akuoi mobogoi in barakat kobarongon totok kon inimu bo baḻíon-Ku in buímu moantó naonda bo tundi kon ḷangit bo ná kobayong in bungayon kon bingkí in dagat. Ki adí bo ki ompumu in monaḷowdon kon musung mita monia.

KINOBAḺIAN 22:17 Iomraidhean Croise

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 13:16

Akuoi in mobogoi kon inimu in buí inta totok in mobarong, dapot in diádon tobatúmai intau in mokoiap kon i monia. Ná doman ḷobud inta diá koiapan in intau, yo ná doman tua in buímu mita diá doman koiapan in intau.

KINOBAḺIAN 15:5

Ki Tuhan in nodia kon i Abram iḻumuai bodongka noguman kon inia, “Ḷangagka kon ḷangit, bo tungkuḷaika iyap in tundi mita; yo buímu in kobayongnea naonda bo tundi mita tatua.”

KINOBAḺIAN 17:6

Akuoi in mobogoi kon inimu in adí bo ompu inta mobarong, bo kon sigad monia tua oyúon in mobaḻí datu mita. Buímu in mobaḻí moantó totok, dapot in mosia mobaḻí bangusa mita.

KINOBAḺIAN 25:11

Naonda in ki Abraham minatoi, ki Allah nomarakat kon i Ishak, ki adí i Abraham. Kon tungkuḷ intua ki Ishak nogutun kon diug in parigí inta sinangoian “Sia inta nonarukira kon inakó.”

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 26:4

Akuoi in mobogoibí kon inimu in adí bo ompu inta kobayongnea in naonda bo tundi kon ḷangit, bo butá mita kon naa daiton-Kubí ogoi kon i monia. Bayongan in bangusa kon dunia naa in mopoigumbí kon i-Nakó sinbá Akuoi momarakat kon i monia naonda Akuoi ain nomarakat kon buímu.

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

KINOBAḺIAN 28:4

Poigumon mako ki Tuhan momarakat kon inimu bo buímu naonda bo pinomomarakat-Nea kon i Abraham, bo igumon mako mobaḻí kapunyaanmu in butá inta iḻitúanmu mako tanaa, inta ain inogoi i Allah kon i Abraham!”

KINOBAḺIAN 32:12

Toropdon kon ki Tuhan tontaní ain nodandi monompia kon inakó kotompiaan bo mobogoi kon inakó in buí mobarong. Diá tobatúmai in mokoiap sin kobayongnea naonda bo bungaion kon pintad.”

KINOBAḺIAN 32:13

Naonda in nosiugpa kon tua in doḷom tua, ki Yakub nogamá kon tosilai in bobiagonnea mita sin ogoi kon i Esau saḷaku tombuinagnea. Tombuinag tatua in doyowa nogatut in bembé kobaayan, doyowa nopuḷú in bembé koḷakian, doyowa nogatut domba kobaayan, doyowa nopuḷú in domba koḷakian, toḷu nopuḷú in unta inta koyogotpa mopoteté bo takin doman ki adínea inta monetépa tua, opat nopuḷú in sapi kobaayan, mopuḷú in sapi koḷakian, doyowa nopuḷú in keledai kobaayan bo mopuḷú in keledai koḷakian.

SAMUEL 2 17:11

Tuamai nanaa in tongginaku: Sipundon in bayongan intau in israel nongkon bayongan in butá, modapot in kobayongnea in nádon bungaion kon pintad. Bo ki Tuangdon tontaní in modia kon i monia mayá moparang.

DATU MITA IMITÁNEA 4:20

Rayat in Yohuda bo in Israel kobayongnea in naonda bo bungaion kon pintad. Kon i monia tua oyúonbí in kaanon bo inumon inta tugat pakéon bo nobiag doman nosanang.

DATU MITA IMITÁNEA 9:26

Kon totubuan in kapaḷnea, nomia doman in ki Datu Salomo kon kapaḷ mita kon Ezion-Geber, kon diug in Elot kon pintad Ḷuok in Akaba, butá in Edom.

TAWARIKH 1 27:23

Ki Datu Daud in diá bidon nogiap kon intau mita inta umur kon ḻimonag in doyowa nopuḷú notaong, sin ki Tuhan in nodandidon kon mopobaḻí kon intau in Israel ná kobayong in tundi kon ḷangit.

TAWARIKH 2 1:9

Tanaa, o Tuhan Allah, igumon intompodan-Mudon in dandi-Mu kon i amáku. Dinuí-Mudon in akuoi nobaḻí datu in bangusa inta moḷoben tanaa inta diádon koiapan in kobayongnea.

NEHEMIA 9:23

Binaḻí-Mu in buí monia naonda bo kobayong in tundi mita kon ḷangit. Inogoian-Mu in mosia in butá sin pogutunan monia, butá inta ain pinodandi-Mu kon mogoguyangnea.

IḶUAIAN 32:13

Toropdon in ata-Mu mita inta ki Abraham, ki Ishak bo ki Yakub. Toropdon bui kon Iko ain nodandi takin nongibot kon mobogoi kon i monia in buí inta mobarong totok naonda bo tundi kon ḷangit, ná doman tua bayongan butá inta pinodandi-Mu tua in mobaḻí kapunyaan in buí monia mononoi.”

YESAYA 48:19

Buímu in naonda bo kobayong in bungaion; Akuoi in mojamin kon mosia in diábí kon dodai in onda in yopúon.”

YEREMIA 32:22

Butá inta mopia bo motobai naa inogoi-Mu kon i monia ná inta ain pinodandi-Mu kon mogoguyang monia.

YEREMIA 33:22

Akuoi in modugangbí kon buí in mogogundoi-Ku ki Daud, bo imang mita suku in Lewi, dá kobayong monia in mobaḻídon ná kobayong in bungaion kon pintad bo tundi kon ḷangit inta diá koiapan.”

HOSEA 1:10

Bangusa in Israel in mobaḻíbí ná kobayong in bungaion kon dagat, nodapot in diá koukuran andeka diá koiyapan. Tanaa in ki Allah in noguman kon i monia, “Moiko in deemanbí Umat-Ku,” táe moiangoibí in wakutunea Sia in moguman kon i monia, “Akuoibí in ki Allah inta nobiag bo moiko in ki adí-Ku mita!”

HOSEA 2:1

Tuamai oiní in tumpaḷa intau takin tangoi “Umat i Allah” bo “Kinotabi i Tuhan.”

MIKHA 1:9

Popisí in kekeb mita in Samaria diádon koundaman, bo Yohuda in koantugan doman in ukur inta motongkai. Bodito in noiyaputdon kon Yerusalem, bonawang in butá in bangusaku.

SURAT I PAULUS KON JAMAAT RUM 4:13

Ki Allah ain nodandi kon i Abraham bo buínea kon dunia naa in mobaḻíbí kapunyaan i Abraham. Dandi tatua in deemanbí pinodoyon kon kotoindudui i Abraham kon hukum in agama Yahudi, táe popisíbí in sia mopirisaya kon i Allah, dá sinarima i Allah in sia saḷaku intau inta mokosanang kon gina-Nea.

SURAT I PAULUS KON JAMAAT RUM 9:27

Ki Nabi Yesaya nosingog nanaa kon soaḷ intau in Israel, “Umpakabí kobayong in intau Israel ná kobayong in bungaion kon dagat, táe tongábí topiḻik in mosaḷamat;

KORINTUS 1 15:57

Táe sukur mako kon i Allah: Sia in nobogoi kon i naton in kauntungan pinongin i Yesus Kristus ki Tuhan naton!

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

ULANGAN 1:10

ki Tuhan Allahmu nopobaḻídon kon i monimu nobarong totok naonda bo tundi mita kon ḷangit.

ULANGAN 1:11

Igumon mako ki Tuhan, Allah in mogoguyangmu, umuran modugang kon kobayong monimu modapot in koribu noguntuḷ, bo mopobaḻí kon i monimu bangusa inta mobiag mooyúon bo motompia ná podudui kon inta pinodandi-Nea!

ULANGAN 10:22

Kon tungkuḷ in mogoguyangmu minayá in Mesir, kobayong monia tua in tongábí pitu nopuḷú in intau. Táe ki Tuhan Allahmu ain nomaḻí kon i monia nobarong nádon onda bo kobarong in tundi kon ḷangit.”

ULANGAN 13:17

Barang mita inta mokokatuḷa tatua in diábí motaau tagúon monimu sin pakéon tontaní, táe mustibí ḷoḷangon komintan. Dá torú i Tuhan Mopiong domandon bo poontong-Neadon kon i monimu in tabi-Nea. Motabidon in Sia kon inimu bo baḻíon-Neadon in moiko bangusa inta moḷoben ná inta pinodandi-Nea kon mogoguyangmu,

ULANGAN 13:18

asaḷ bo moiko dumudui kon bayongan in parenta-Nea inta pinotaauku kon i monimu singgai naa, bo mogaid kon bayongan inta kinoibog-Nea.”

ULANGAN 21:19

Dá guyanganea in musti modia kon inia kon guhanga mita in kotá inta pinogutunan monia bo mopoigum sinbá adí tatua in adilon.

IBRANI 11:12

Umpaka wakutu intua ki Abraham nádon onda bo intau minatoi in awaknea, táe nobayongpabí doman in buínea, diábí koiapan in kobayongnea sin nádon tundi kon ḷangit bo bungaion kon bingkí in pintad kobayongnea.

IBRANI 6:14

Nanaa in kai-Nia, “Akuoi in modandi kon barakatan-Kubí bo baḻíon-Kubí mobayong in buímu.”

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”