KINOBAḺIAN 22:16 - Alkitab Singog In Mongondow Masa In Tanaa

¹⁶ “Ki Tuhan noguman: Akuoi mongibot podoyon kon tangoi-Ku tontaní, sin iko ain nogaid kon soaḷ tanaa bo diábí nogindoí in moposumba kon i adímu tuḷong tua kon i-Nakó,

KINOBAḺIAN 22:16 Iomraidhean Croise

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 22:12

“Donaai yoyigaanmu in adí tanion ande donaaidon yagi-yagionmai in sia,” guman tuhan pinongin malaekat tatua. “Tanaa in kinotaauan-Kudon kon iko in totokbí in mohoromat bo motoindudui kon i-Nakó, popisí in iko diábí nonolak in nobogoi kon i adímu tuḷong tua kon i-Nakó.”

KINOBAḺIAN 22:15

Komintanpa doman nongkon ḷangit malaekat i Tuhan nokuuk kon i Abraham,

KINOBAḺIAN 22:2

Guman i Allah, “Bayádon kon butá in Moria takin ki Ishak, ki adímu tuḷong tua, inta totok in kinotabimu tua. Kon tua, kon buḷud tobatú inta tundúon-Ku kon inimu, posumbadon in ki adímu tatua kon i-Nakó mobaḻí kuruban inta tubáan.”

KINOBAḺIAN 26:3

Akuoi in moḷukadbí bo momarakat kon inimu. Komintan butá tanaa in ogoi-Kubí kon inimu bo kon buímu. Intompodan-Kubí in dandi-Ku inta ain pinoguman-Ku kon i Abraham ki amámu.

KINOBAḺIAN 26:5

Akuoi in momarakatbí kon i monimu, sin ki Abraham ain dinumudui totu-totuu kon i-Nakó bo noḷukadon kon bayongan hukum bo parenta-Ku.”

TAWARIKH 1 16:16

Dodandian tatua in pinomia-nea takin i Abraham, bo noiduduimai takin i Ishak,

MAZMUR 105:9

Dodandian tatua in pinomia-Nea takin i Abraham, bo noiduduimai takin i Ishak;

IḶUAIAN 17:16

Guman i Musa, “Kadaiaidon bo tonggó koḷantud in bandera i Tuhan! Ki Tuhan noparang nonayow kon intau Amalek modapot kon adí bo ompu!”

IḶUAIAN 2:24

Inindongogan i Allah in mosia, bo kinotoropan-Neadon in dodandian-Nea takin i Abraham, i Ishak bo i Yakub.

IḶUAIAN 32:13

Toropdon in ata-Mu mita inta ki Abraham, ki Ishak bo ki Yakub. Toropdon bui kon Iko ain nodandi takin nongibot kon mobogoi kon i monia in buí inta mobarong totok naonda bo tundi kon ḷangit, ná doman tua bayongan butá inta pinodandi-Mu tua in mobaḻí kapunyaan in buí monia mononoi.”

YESAYA 45:23

Akuoi in ain nodandi, bo dandi-Ku in diábí motaau inggamáan; podoyon kon i-Nakó tontaní Akuoi in mongibot: Pomuḷoi in intau in tumungkudbí kon tayowon-Ku, bo kon bonu in tosingogonnea tontaní modandi kon mosatia kon i-Nakó.

YEREMIA 22:5

Táe aka moiko bo diá dumudui kon parenta-Ku mita, dá ibotan-Ku kon komaḻig tanaa in mobaḻíbí apug. Akuoi, ki Tuhan, ain nosingog.

YEREMIA 44:26

Táe tanaa indongogai onu in poguman-Ku kon inimu, ei intau in Israel kon Mesir: Akuoi ki Tuhan, in mongibot podoyon kon tangoi-Ku inta momulia kon moiko in diá bidon ogoi-Ku mopomaké in tangoi-Ku aka momia kon dandi. Moiko in diá bidon motaau in moguman, Akuoi in mongibot podoyon kon tangoi i Allah inta nobiag!

YEREMIA 49:13

Akuoi in mongibot podoyon kon tangoi-Ku tontaní kon kotá in Bozra in mobaḻíbí tampat inta mokokoningkim inta taḷaan in intau. Kosinganbí in intau bo tangoi monia in pakéon monia pongutuk. Bayongan in ḻipú kon diugnea in mobaḻídon dongka rumbunnea modapot in mononoi. Akuoi, ki Tuhan, ain nosingog.”

YEREMIA 51:14

Ki Tuhan Inta Totok in mokawasa nongibot pinodoyon kon i-Nia tontaní kon Sia in mopotabá mangoi kon intau ná kobayong in pangkoḷá sin monubu kon Babel, bo mosia in mopobaḷú in baḷú kountungan.

AMOS 6:8

Ki Tuhan Inta Totok in mokawasa bo Inta Totok in moḷantud nopotoingatdon nanaa, “Akuoi in doíbí totok kon ḷoḷatú in umat in Israel; diábí moḷunganga in gina-Ku kon komaḻig mita monia inta mopia totok tua. Putod in kotá monia takin bayongan inta kon bonunea in ogoi-Kubí kon musung.”

MIKHA 7:20

Kon umat-Mu, buí i Abraham bo i Yakub, poontong-Mubí in kososatia-Mu bo tabi-Mu inta diá in obotnea tua ná inta pinodandi-Mu kon mogoguyang nami dungkuḷmai.

LUKAS 1:73

Sin tuata in ibot-Nea kon i Abraham ki amá naton, Sia in nodandi kon moposaḷamat kon i naton nongkon saturu naton, sinbá kita in diá koaputan in ondok in mogundoi kon i-Nia.