KINOBAḺIAN 21:8 - Alkitab Singog In Mongondow Masa In Tanaa

⁸ Adí tatua in koḷoben-koḷobendon, bo kon singgai in sia ungkakondon kon teté, ki Abraham in nomia kon bobutungan moḷoben.

KINOBAḺIAN 21:8 Iomraidhean Croise

KINOBAḺIAN 19:3

Ki Lot in nopoigum totok, dá aher mako mosia in sinumuotdon noyotakin kon baḷoi Lot. Ki Lot in nogoḷudon kon kaanon inta totok in mopia in nanamnea bo nomia doman kon roti inta tugat kinaan monia, bo nongaandon in mosia.

KINOBAḺIAN 21:7

Sia noguman doman, “Ki ine in koḻipod noguman kon i buḷoiku kon akuoi in diábí mopoteté in adí? Táe akuoi in nononggadípabí doman umpaka ki buḷoiku ain nogoguyang totok.”

KINOBAḺIAN 21:9

Kon singgai tobatú, ki Ismael, ki adí i Abraham bo ki Hagar, bobay in Mesir tua, koyogot moyambámai takin i Ishak, ki adí i Sara.

KINOBAḺIAN 26:30

Onda intua ki Ishak nogoḷudon kon i monia, bo nongaan bo nonginumdon in mosia.

KINOBAḺIAN 29:22

Ki Laban nomia kon rame ponikaan bo nogoiní kon bayongan intau kon kotá tatua.

KINOBAḺIAN 40:20

Toḷu nosinggai noiduduimai kon tua in singgai kinotompodan umur i datu, bo sia nogaid kon rame moḷoben sin pogoiníannea kon bayongan pogawainea. Sia nomarenta sinbá mopoposadia in oinumonnea bo intau inta mopoposadia in kaanonnea poḷuaidon kon bonu in ponjara bo diaan kon tayowon in bayongan pogawai in komaḻig.

SAMUEL 2 3:20

Naonda in ki Abner noyotakin in intaunea inta doyowa nopuḷú namangoi kon tayowon i Daud kon Hebron, pinomiaan i Daud kon rame kon i monia.

DATU MITA IMITÁNEA 3:15

Naonda in nobangon, nosadardon in ki Salomo kon ki Allah ain nosingog kon inia kon bonu in togoindop. Dá nobuidon in sia kon Yerusalem bo sinimindog kon tayowon in Poti Dodandian i Tuhan bo noposumba in kuruban payongon bo kuruban dodamean. Onda intua nomia in sia kon rame kon bayongan in pogawainea.

ESTER 1:3

Kon taong intoḷunea kon pinomarentaannea, ki Datu Ahasyweros nomia kon rame moḷoben kon bayongan in intau moḷoben bo pogawainea. Tongguḷu mita totokan in tontara in Persia bo Media in namangoi doman kon rame tatua, natua doman in gubernur mita bo intau mita moḷoben kon propinsi.

MAZMUR 131:2

Totuubí, kon ginaku naa in moonowbí bo moodom; naonda bo adí mointok inta bagu noneté, mopia in siug kokoyo-koyot i inánea, ná tatua in koonow in ginaku.

HOSEA 1:8

Naonda in ki adí nami inta nogindua naa tua inungkak kon teté, ki buḷoiku in nonogusian bui bo nopononggadí bui in adí ḷoḷaki.

HAKIM MITA 14:10

Naonda in ki amá i Simson minayá kon baḷoi in mongodeaga tatua, ki Simson nomia kon rame kon tua, sin natuabí in kabiasaan in tayowmobiag mita.

HAKIM MITA 14:12

Bo ki Simson noguman kon i monia, “Oyúon in tangkíku. Aka kotaauan monimu, yo ogoianku in moiko kon batúannea in kaeng lenan inta moaḷus bo tumongo par in pakeang inta mogaga. Moiko in ogoianku in wakutu pitu nosinggai kon dodai in oyúonpa in rame tanaa, in motayak kon onu in mangaḻenea.

SAMUEL 1 1:22

Táe kon tanaa ki Hana in diá sinumakin. Gumannea kon i buḷoinea, “Bain naonda in guaton kon teté, ki Samuel in atodonku kon Baḷoi Tuhan, bo sia in mogutundon kon tua kinoouputbí in kinobiagannea.”

SAMUEL 1 1:24

Naonda in ki Samuel ginuatdon kon teté, inatod i inánea in sia kon Baḷoi i Tuhan kon Silo. Kon dodai intua nointokpa totok in sia. Ki Hana in nodia domandon kon sapi koḷakian tobatú inta umurdon toḷu notaong, gandum mopuḷú nokilo, bo botutu kuḻit tobatú inta nopuḻing in anggur.

SAMUEL 1 25:36

Naonda in ki Abigail nobui kon i Nabal, noniata magí yo oyúonbí in rame moḷoben kon baḷoinea, naonda bo rame in datu. Bo popisí in ki Nabal noḷoḷangu bo noḷunganga totok in ginanea, dá diábí pinotaau i buḷoinea kon inia nodapot in nobangon monik.