KINOBAḺIAN 21:31 - Alkitab Singog In Mongondow Masa In Tanaa

³¹ Tuamai tampat tatua in sinangoian intau Bersyeba, sin kon tuata taya dua nongongibotan.

KINOBAḺIAN 21:31 Iomraidhean Croise

KINOBAḺIAN 21:14

Nobangon monik doḷo-doḷom, ki Abraham nobogoi in kaanon bo botutu kuḻit binonuan in tubig sin baḷun monia kon daḷan. Pinopobabaneadon kon i Hagar in adí tatua, bodongka pinotabánea minayá in bobay tatua. Ki Hagar in nobuatdon bo minayá nongin padang gurun Bersyeba.

KINOBAḺIAN 21:32

Naonda in mosia nomia kon dodandian kon Bersyeba, ki Abimelek bo ki Pikhol in nobuidon kon butá intau in Pilistin.

KINOBAḺIAN 26:23

Onda intua ki Ishak nobuat bo noiyaput kon Bersyeba.

KINOBAḺIAN 26:31

Nobangon monik doḷo-doḷom mosia in tumpaḷadon nopoyaput in tosingogon dandi monia takin itu-itum. Bo ki Ishak in nogumandon kon i monia kon mokopopiadon in kon daḷan bo noyogapídon in mosia saḷaku yobayat.

KINOBAḺIAN 26:33

Bo ki Ishak nonangoidon kon parigí tatua “Ibot”. Tuata in kinobobaḻí muna in kotá tatua sinangoian Bersyeba.

KINOBAḺIAN 46:1

Ki Yakub nonoinutdon kon bayongan in kapunyaannea bodongka nobuat. Nodapotmai kon Bersyeba sia noposumbadon in kuruban kon i Allah inta sinumba i Ishak ki amánea.

SAMUEL 2 17:11

Tuamai nanaa in tongginaku: Sipundon in bayongan intau in israel nongkon bayongan in butá, modapot in kobayongnea in nádon bungaion kon pintad. Bo ki Tuangdon tontaní in modia kon i monia mayá moparang.

SAMUEL 2 24:7

Nongkon tua in mosia minayá ná toḷatan kon Tirus kotá inta oyúon in tampat poḷoḷukadan tua. Noiduduimai kon tua mosia minayá in bayongan kotá in intau in Hewi bo intau in Kanaan, bo imbuitnea in kon Bersyeba, kon dotá in toḷatan in Yohuda.

DATU MITA IMITÁNEA 19:3

Inagían in ondok in ki Elia, bo noḷagui in sia sinbá diá ḻimodon. Sia bo bobantungnea in minayá in Bersyeba inta kon Yohuda. Kon tua sinaḷáanneadon in bobantungnea tatua,

AMOS 5:5

Dika mayá in Bersyeba sin moibada. Dika motayak kon i-Nakó kon Betel, sin Betel in moinggamábí. Dika doman mayá in Gilgal, sin intau kon kotá tatua in akutonbí pobayá in poḷumbúan.”

HAKIM MITA 20:1

Dá namangoidon in bayongan umat in Israel nongkon Dan kon utuan nodapot in Bersyeba kon toḷatan, bo Gilead kon pomukaan, sin dumudui kon oiní tatua. Mosia in noyosipun bo notobatú kon Mizpa kon tayowon i Tuhan.