KINOBAḺIAN 21:3 - Alkitab Singog In Mongondow Masa In Tanaa

³ Ki Abraham nonangoi kon adí tatua ki Ishak;

KINOBAḺIAN 21:3 Iomraidhean Croise

KINOBAḺIAN 17:19

Táe ki Allah in noguman, “Deeman. Ki Sara ki buḷoimu in mopononggadíbí in adí ḷoḷaki tobatú bo tangoianmu in adí tatua ki Ishak. Akuoi in kumadaibí tantú kon dodandian-Ku takin adí tatua bo takin buínea kinopopaḷutbí in dunia naa. Dodandian tatua in mononoi.

KINOBAḺIAN 17:21

Táe dodandian-Ku in popotogot-Kubí kon i Ishak, ki adímu inta pononggadí i Sara, taong moiduduimai degá ná doman kon oras tanaa mako.”

KINOBAḺIAN 21:12

Táe ki Allah in noguman kon i Abraham, “Donaaidon iko mohawatir kon bobantungmu ki Hagar bo ki adínea tatua. Duduiaidon in ibog i Sara, sin pongin i Ishakbí tuata iko in mokouḻí kon buí inta pinodandi-Ku tua.

KINOBAḺIAN 21:6

Ki Sara in nosingog, “Binaḻídon i Allah in akuoi kinumosing sin moḷunganga in gina. Pomuḷoi intau inta mokodongog kon soaḷ tanaa in kumosing sin moḷunganga in gina ná koḷunganga in ginaku.”

KINOBAḺIAN 22:2

Guman i Allah, “Bayádon kon butá in Moria takin ki Ishak, ki adímu tuḷong tua, inta totok in kinotabimu tua. Kon tua, kon buḷud tobatú inta tundúon-Ku kon inimu, posumbadon in ki adímu tatua kon i-Nakó mobaḻí kuruban inta tubáan.”

KINOBAḺIAN 25:19

Naadon in riwayat i Ishak, ki adí i Abraham.

MATIUS 1:2

Ki adí i Abraham ki Ishak, ki adí i Ishak ki Yakub, ki adí i Yakub ki Yohuda bo ki utatnea mita, ki adí i Yohuda kon i Tamar ki Peres bo ki Zerah, ki adí i Peres ki Hezron, ki adí i Hezron ki Ram, ki adí i Ram ki Abinadab, ki adí i Abinadab ki Nahason, ki adí i Nahason ki Salmon, ki adí i Salmon kon i Rahab ki Boas, ki adí i Boas kon i Rut ki Obed, ki adí i Obed ki Isai, ki adí i Isai ki Datu Daud.

OUMAN IN RASUL MITA 7:8

Sunat in nobaḻí tanda kon dodandian tatua. Dá naonda in ki Ishak inta ki Adí i Abraham noilahirdon, adí tatua pinoki sunat kon singgai iwaḷunea; ki adí i Ishak in ki Yakub. Yo ki adí i Yakub tua in mopuḷú bodoyowá inta nobaḻí mogoguyang naton.

SURAT I PAULUS KON JAMAAT RUM 9:7

Deemanbí doman komintan buí i Abraham in nobaḻí ki adí mita i Allah. Sin ki Allah ain noguman kon i Abraham nanaa, “Tongábí buí i Ishak in tangoion buímu.”

IBRANI 11:18

Umpaka nanaa in guman i Allah kon i Abraham: “Ki Ishakbí naa inta mobogoi in buí inta pinodandi-Ku kon inimu.”

YOSUA 24:3

Bo Akuoi nogoiní kon i Abraham, mogoguyangmu tua, nongkon butá kon ḷoḷan in Ongkag in Eprat tatua, bo nopotabá kon inia noḻibu kon butá in Kanaan. Akuoi in nobogoi kon inia in buí mobayong. Dungkuḷ totok ki Ishak in inogoi-Ku kon inia,