KINOBAḺIAN 21:17 - Alkitab Singog In Mongondow Masa In Tanaa

¹⁷ Ki Allah in nokodongog kon ombaḷ i Ismael, bo malaekat i Allah in noguman kon i Hagar nongkon ḷangit, kainia, “Onu in mokorobonoḷ kon dodobmu, Hagar? Dikadon moondok. Dinongogdon i Allah in ombaḷ i adímu.

KINOBAḺIAN 21:17 Iomraidhean Croise

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

KINOBAḺIAN 16:11

Diádon moonggot bo iko in mopononggadí in adí ḷoḷaki tobatú; tangoiaidon in sia ki Ismael, sin dinongogdon i Tuhan in ombaḷmu.

KINOBAḺIAN 16:7

Malaekat i Tuhan namangoi nokipodungkuḷ kon i Hagar kon diug in bokaká kon padang gurun, kon daḷan mopobayá in padang gurun Sur.

KINOBAḺIAN 16:8

Malaekat tatua in noguman, “Hagar, bobantung i Sarai, nongkon onda in iko bo mopobayá in onda?” Tubag i Hagar, “Akuoi in noḷagui kon i Sarai ki Tuangku.”

KINOBAḺIAN 16:9

Malaekat tatua in noguman, “Buidon bayá kon inia bo pobantungdon kon inia.”

KINOBAḺIAN 22:11

Táe malaekat i Tuhan in nokuuk kon inia nongkon ḷangit, “Abraham, Abraham!” Tubag i Abraham, “Ya, Tuhan!”

KINOBAḺIAN 24:7

Ki Tuhan, Allah inta nongawasa kon ḷangit, aindon nodia kon inakó nongkon baḷoi i amáku bo nongkon butá in ginaḷumku, bo Sia ain nongibot kon inakó kon Sia in mobogoibí in butá tanaa kon buíku. Sia in mopotabábí doman in malaekat-Nea sin motuḷung kon inimu, sinbá iko in mokouḻí kon bobay tobatú kon tua sin baḻíon buḷoi i adíku.

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 46:3

“Akuoi ki Allah, inta sinumba i amámu,” guman-Nea. “Dika moondok in mayá kon Mesir. Baḻíon-Ku in buímu bangusa inta moḷoben kon tua.

DATU MITA 2 13:23

Táe notabi in ki Tuhan kon umat-Nea bo inampungan-Nea in mosia. Doíbí in Sia mopomayá mako yopúon táe sinuḷungan-Neabí in mosia, sin monorop kon dodandian-Nea takin i Abraham, i Ishak bo i Yakub. Dapot in tanaa diábí kon dodai in onda in koḻiongan-Nea in umat-Nea.

DATU MITA 2 13:4

Bo ki Yoahas in nosambayang kon i Tuhan, bo inindongogan i Tuhan in sambayang tatua, sin ki Tuhan in nokoontong kon moromúdon totok in pinonondorot i datu in Siria kon intau in Israel.

MAZMUR 10:14

Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 6:8

Mataku in moyambotdon popisí in ajar in gina, bo modingungui popisí in musungku mita.

MAZMUR 65:2

Patusbí in kami modayow kon ini-Mu kon Sion, o Allah, bo mogintompod kon dandi nami kon ini-Mu.

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

IḶUAIAN 14:13

Ki Musa in noguman, “Dika moondok! Korigonon in gina! Ontongonbí monimu onu in aidan i Tuhan sin moposaḷamat kon i monimu. Intau in Mesir inta inontong monimu tanaa, diá bidon ontongon bui monimu.

IḶUAIAN 22:23

Aka moiko momia kon moraat kon i monia, yo Akuoi, ki Tuhan in mokidongog kon i monia aka mosia mokuani mokituḷung kon i-Nakó.

IḶUAIAN 22:27

sin tongábí totobatú tatua in oḻit in awaknea pogoḻingoi kon awak sinbá diá tumonow. Aka diá pobuionmu bui kon inia, yo onupabí in pakéonnea kon wakutu in sia mosiugdon? Aka sia mokuani sin mokituḷung kon i-Nakó, dá indongogan-Kudon in sia sin motabi Akuoi kon inia.

IḶUAIAN 3:2

Kon tua malaekat i Tuhan nokipogontong kon inia kon bonu in dokot in tuḷú inta iḻumuai nongkon yua-yuak in ḻimbuyun. Ki Musa in nokoontong kon bonok in ḻimbuyun tatua dinumokot, táe diábí nopokak.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

YESAYA 22:1

Naa in koyow kon Ḷopá Oontongon: Ei, intau in Yerusalem, nongonu sin moiko komintan in moponikbí kon tudu in atop in baḷoi?

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

MATIUS 15:32

Ki Yesus nogoiní kon murí-Nea mita bo noguman, “Akuoi motabi totok in mokoontong kon intau mita tanion. Mosia aindon toḷu nosinggai in dinumudui kon i-Nakó bo mosia in diá nodia kon kaanon. Akuoi in doíbí mopobui kon i monia kon dodai in mosia gogoyon, sin dikabo moumpag kon daḷan.”

MARKUS 5:36

Táe diábí pinandungmai i Yesus onu in pinoguman in intau mita tatua. Sia in noguman kon i Yairus, “Dika moondok, popirisayabí!”

ULANGAN 26:7

Bo kami nokuani nopoigum in totuḷung kon ini-Mu, Tuhan, ki Allah in mogoguyang nami. Inindongogan-Mu in kuani nami bo noindoi kon roriga, susa takin kobobiag nami inta mokotabidon.

HAKIM MITA 18:23

ki Mikha bo intaunea mita nomaḷúdon kon i monia. Intau mita in suku Dan tatua nobobui bo noḻibó kon i Mikha, “Onu in nobaḻí? Nongonu sin namangoibí takin intau mobayong naníon?”

SAMUEL 1 11:5

Kon dodai intua ki Saul bagupa nobui nongkon gobánea takin kodia-dia in sapinea. Dá noḻibó in sia, “Onu in nobaḻí? Nongonu sin bayongan in intau in mongombaḷbí?” Bo pinotaaudon kon inia in habar inta pinotaau in totabá nongkon Yabesh tatua.