KINOBAḺIAN 21:14 - Alkitab Singog In Mongondow Masa In Tanaa

¹⁴ Nobangon monik doḷo-doḷom, ki Abraham nobogoi in kaanon bo botutu kuḻit binonuan in tubig sin baḷun monia kon daḷan. Pinopobabaneadon kon i Hagar in adí tatua, bodongka pinotabánea minayá in bobay tatua. Ki Hagar in nobuatdon bo minayá nongin padang gurun Bersyeba.

KINOBAḺIAN 21:14 Iomraidhean Croise

KINOBAḺIAN 16:7

Malaekat i Tuhan namangoi nokipodungkuḷ kon i Hagar kon diug in bokaká kon padang gurun, kon daḷan mopobayá in padang gurun Sur.

KINOBAḺIAN 19:27

Nopoikoḷomai kon singgai, doḷo-doḷompa, ki Abraham iḻimikat minayá in tampat inta sinindogannea kon tayowon i Tuhan koḷabung kon tungkuḷ in diápa nobaḻí intua.

KINOBAḺIAN 21:13

Ná doman tua ki adí i Hagar in ogoian-Kubí in adí bo ompu sinbá mosia mobaḻí doman bangusa tobatú inta moḷoben. Sin sia in ki adímu doman.”

KINOBAḺIAN 21:15

Naonda in tubig inta kodia-dianea nodait, inukatdon i Hagar in adí tatua kon tampat inta nooḻiung,

KINOBAḺIAN 21:31

Tuamai tampat tatua in sinangoian intau Bersyeba, sin kon tuata taya dua nongongibotan.

KINOBAḺIAN 21:33

Bo ki Abraham nopomuḷa in pangkoi in kayu tamariska kon Bersyeba bo nongkon dodaidon tatua tampat tatua pinakénea mosumba kon i Tuhan, Allah inta mononoi.

KINOBAḺIAN 22:19

Nopaḷut mako kon tua ki Abraham buidon minayá nokipodungkuḷ kon bobantungnea doyowa tua, bo mosia minayádon in Bersyeba noyotakin, bo ki Abraham nogutundon kon tua.

KINOBAḺIAN 22:3

Nobangon monik doḷo-doḷompa, ki Abraham noniai kon kayu sin pakéon potubaan kon kuruban, kayu tatua sinogotnea mako bo pinopobaba kon keledainea. Sia in minayá takin i Ishak bo bobantungnea doyowa, mosia nopobayá in tampat inta pinoguman i Tuhan kon inia.

KINOBAḺIAN 24:54

Nopaḷut mako kon tua bobantung i Abraham bo intaunea mita nongaan bo nonginumdon, bo nosiugpa kon tua. Naonda in mosia nobangon nopoikoḷomai kon singgai, bobantung tatua in noguman, “Ogoidon akuoi mobui mayá kon i tuangku.”

KINOBAḺIAN 25:6

táe kon dodai in sia nobiagpa nobarongbí doman in tombuinag inogoinea kon i adínea mita inta nongkon i buḷoinea ibanea. Onda intua pinotabáneadon in ki adínea mita tatua nomamping kon butá inta kon dotá in pomukaan kon Kanaan, sinbá yumayú kon i Ishak ki adínea.

KINOBAḺIAN 26:31

Nobangon monik doḷo-doḷom mosia in tumpaḷadon nopoyaput in tosingogon dandi monia takin itu-itum. Bo ki Ishak in nogumandon kon i monia kon mokopopiadon in kon daḷan bo noyogapídon in mosia saḷaku yobayat.

KINOBAḺIAN 26:33

Bo ki Ishak nonangoidon kon parigí tatua “Ibot”. Tuata in kinobobaḻí muna in kotá tatua sinangoian Bersyeba.

KINOBAḺIAN 28:18

Nobangon monik doḷo-doḷom, ki Yakub sinimindog, bo nogamá kon batu inta pinakénea pinonguḷunan bo pinosindognea nobaḻí tobatú tompoingat bodongka pinobutakneadon in ḷana zaitun kon tudu in batu tatua.

KINOBAḺIAN 37:15

Kon dodai in ki Yusup minayá magí-mako kon tampat popokaanan in bobiagon, sia noyodungkuḷ in tobatú intau ḷoḷaki inta noḻibó kon inia, “Onu in tayakonmu?”

KINOBAḺIAN 46:1

Ki Yakub nonoinutdon kon bayongan in kapunyaannea bodongka nobuat. Nodapotmai kon Bersyeba sia noposumbadon in kuruban kon i Allah inta sinumba i Ishak ki amánea.

DATU MITA IMITÁNEA 19:3

Inagían in ondok in ki Elia, bo noḷagui in sia sinbá diá ḻimodon. Sia bo bobantungnea in minayá in Bersyeba inta kon Yohuda. Kon tua sinaḷáanneadon in bobantungnea tatua,

TAWARIKH 2 29:20

Diá bidon nogoḷatpa noonggot in ki Datu Hizkia nosipun kon intau mita inta sinon itoi kon ḻipú, bo minayá noyotakin monia minayá in Baḷoi Tuhan.

MAZMUR 107:4

Oyúon in nodondaḷoi kon kayuon, bo diá nonotaau in daḷan mayá pinogutunan kon kotá.

MAZMUR 119:60

Akuoi in ḻimikatbí bo diábí mogoḷat sin mopobayá in parenta-Mu.

AMSAL 27:14

Ki ine in doḷo-doḷom mopoyaput in salam kon yobayatnea pinongin tosingogon moropot mako, yo naondabí bo nopoyaput in odi-odi.

AMSAL 27:8

Intau inta monaḷámai kon baḷoinea, in naonda bo ḷagapan inta nonaḷámai kon pugadnea.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YESAYA 16:8

Gobá mita kon diug in Hesybon bo gobá mita in anggur Sibma ain iyompat, gobá mita inta biasamai mopomungai in anggur inta totok in mopia kon mongongawasa mita bo mokopopisí kon i monia moḷoḷangu. Dungkuḷmai gobá mita in anggur tatua nobuká nodapot kon kotá in Yaezer; bo nopobayá in pomukaan nodapot kon rawang in bungaion, bo kon dotá in toyopan dapot in ḷoḷan in Laut Mati.

YOHANES 8:35

Bo tobatú ata in diábí mokouḻí kon pogutunan motantú kon bonu in motoḷuadí, táe aka adí yo umuranbí mokouḻí kon tampat kon bonu i motoḷuadí.

YOSUA 3:1

Nopoikoḷomai kon singgai, ki Yosua bo bayongan umat in Israel nobangon subupa totok, bo nonaḷámai kon pinononḷoḷaigan monia kon Sitim, bo minayá in Ongkag in Yordan. Kon tua in mosia nononḷoḷaigan sin mogoḷat kon wakutu monia ḷumoḷan.

SAMUEL 1 15:12

Nobangon monik doḷo-doḷom, ki Samuel nobuat sin mayá mokipodungkuḷ kon i Saul. Pinotaaudon kon inia kon ki Saul ain minayá kon kotá in Karmel sin moposindog in batu mobaḻí tompoingat kon inia kon tua, bodongka mayá in Gilgal.