KINOBAḺIAN 21:12 - Alkitab Singog In Mongondow Masa In Tanaa

¹² Táe ki Allah in noguman kon i Abraham, “Donaaidon iko mohawatir kon bobantungmu ki Hagar bo ki adínea tatua. Duduiaidon in ibog i Sara, sin pongin i Ishakbí tuata iko in mokouḻí kon buí inta pinodandi-Ku tua.

KINOBAḺIAN 21:12 Iomraidhean Croise

KINOBAḺIAN 17:19

Táe ki Allah in noguman, “Deeman. Ki Sara ki buḷoimu in mopononggadíbí in adí ḷoḷaki tobatú bo tangoianmu in adí tatua ki Ishak. Akuoi in kumadaibí tantú kon dodandian-Ku takin adí tatua bo takin buínea kinopopaḷutbí in dunia naa. Dodandian tatua in mononoi.

KINOBAḺIAN 17:21

Táe dodandian-Ku in popotogot-Kubí kon i Ishak, ki adímu inta pononggadí i Sara, taong moiduduimai degá ná doman kon oras tanaa mako.”

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

GALATIA 4:30

Táe tarukirabí inta pinais kon Buk Motusi, nanaa: “Poguntundon in bobay ata tanion takin ki adínea, sin adí inta nongkon bobay ata tatua in diábí motaau mogogabat kon kapunyaan moyotakin in adí inta nongkon bobay nobebas tua.”

IBRANI 11:18

Umpaka nanaa in guman i Allah kon i Abraham: “Ki Ishakbí naa inta mobogoi in buí inta pinodandi-Ku kon inimu.”

SAMUEL 1 8:7

bo ki Tuhan in noguman, “Duduiaidon in bayongan inta pinoigum in bangusa tatua kon inimu. Sin deemanbí iko in kinodoí monia, táe Akuoibí. Doídon in mosia aka Akuoi in mobaḻí datu monia.

SAMUEL 1 8:9

Tuamai in duduiaidon onu inta pinoigum monia; táe ogoiaidon in mosia in tompoingat totu-totuu, bo potaau kon i monia naonda in popoaid i datu kon i monia.”