KINOBAḺIAN 20:9 - Alkitab Singog In Mongondow Masa In Tanaa

⁹ Nopaḷut mako kon tua ki Abimelek nogoiní kon i Abraham bo noḻibó “Onu inta ain pinomiamu kon inami? Onu in taḷáku kon inimu, dapot in pinopoangoimudon inta mokobodito kon inakó bo kon dodatuan ku? Totuu kon diábí patus iko in momia kon natua kon inakó.

KINOBAḺIAN 20:9 Iomraidhean Croise

KINOBAḺIAN 12:18

Bo ki datu in nogoiní kon i Abram bo noḻibó kon inia, “Onudon in pinomiamu kon inakó naa? Nongonu sin diábí pinogumanmu kon sia naa in ki buḷoimu?

KINOBAḺIAN 20:10

Nongonu sin iko momiabí natua?”

KINOBAḺIAN 20:8

Nobangon monik, doḷo-doḷom, ki Abimelek nogoiní kon bayongan pogawainea bo nopotaau kon i monia in bayongan inta nobaḻí tatua. Mosia komintan inangoian in ondok.

KINOBAḺIAN 26:10

“Onudon in pinomiamu naa kon inami?” guman i Abimelek. “Totuubí mogampa-gampang in intauku tobatú mayá mosiug moyotakin i buḷoimu, bo aka tua in mobaḻí, yo ikodon in motanggung jawab kon taḷá nami tatua.”

KINOBAḺIAN 29:25

Bain nobangon monik bo kinotaauannea kon ki Leabí in pinobuḷoinea. Bo minayádon in ki Yakub kon tayowon i Laban bo noguman, “Nongonu sin pomiaanmubí nanaa in akuoi? Akuoi in nogaid sinbá motaau motonibuḷoi i Rahel? Nongonu sin inuboḷanmubí in akuoi?”

KINOBAḺIAN 34:7

Tongkaná intua ki adí mita i Yakub nobuidon nongkon tampat pinopokaanan monia in bobiagon. Nokodongogmai kon onu in nobaḻí tatua, mosia in noitaḻikokog bo totok in sinumorú. Sin aid i Sikhem natua kon i adí i Yakub notongkai in mosia nokopooyámaidon kon bayongan intau Israel.

KINOBAḺIAN 38:24

Degá toḷumai nobuḷan noiduduimai kon tua ki Yohuda nokouḻí kon habar kon ki Tamar mototakanea tatua sinumundaḷ bo sidiadon. Bo ki Yohuda nobogoi in parenta, “Gamádon in sia bo tubá dapot in matoi!”

KINOBAḺIAN 39:9

Kon naa kawasaku notongkai in kawasanea. Diábí in tobatúmai diá pinopopirisayanea kon inakó koḻikudbí in ki Nyora. Yo naondabí in akuoi momia kon inta moraat natua bo mogaid kon dosa kon i Allah?”

SAMUEL 2 12:5

Nokodongogmai kon tua in ki Daud sinumorúdon totok sin aid in intau nooyúon tatua bo poḷat in sia noguman, “Totokbí in moraat in intau nooyúon tatua! Podoyon kon tangoi i Tuhan inta nobiag, intau tatua in mustibí monoḻiu kon ki adí in domba koopat noguntuḷ in kobayongnea bo sia in mustibí hukumon matoi!”

SAMUEL 2 13:12

“Ah, dika, guya-guyang!” tubag in mongodeaga tatua. “Dika pakisaanmu in akuoi momia kon inta mokooyá totok tatua! Aid natua in diábí kon dodai in onda in inaidan kon Israel.

IḶUAIAN 32:21

Sia in noguman kon i Harun, “Onudon in inaidan monia kon inimu nodapot in pinomayámudon mako in mosia nogaid kon dosa moḷoben tatua?”

IḶUAIAN 32:35

Bo ki Tuhan nopoangoidon in bodito kon intau mita tatua sin mosia nomakisa kon i Harun nomia kon patong sapi buḷawan tatua.

AMSAL 28:10

Ki ine in modondouḷug kon intau motuḻid sinbá mogaid kon inta moraat, yo siabí tontaní in moḷabú kon poyogaḷap. Intau inta modarit in ginanea barakatanbí dá mosanang.

IMAMAT 20:10

Aka intau Israel tobatú monuaḻing kon buḷoi in intau inta tobangusanea, dá sia bo bobay tatua in musti hukumon matoi.

SURAT I PAULUS KON JAMAAT RUM 2:11

Sin diábí poyoposion i Allah in bayongan intau.

TITUS 1:11

Intau mita natua in mustibí tokohukumon in bibig monia, sin onu in sinundú monia tua, tongábí mopotombauk kon raian in intau mita inta nobiag tobaḷoian. Tua mita in pinomia monia sin motayak kon kauntungan inta diá patus.

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.

YOSUA 7:25

Bo ki Yosua noguman kon i Akhan, “Nongonu sin iko in nopoangoibí in roriga kon inaton? Tanaa ki Tuhan mopoangoidon in roriga kon inimu!” Dá ki Akhan takin mosia motoḷuadínea inarabdon in bayongan umat in Israel in batu nodapot in minatoi. Komintan kapunyaannea, bo barang mita inta sinakownea nodaitdon sinubá nodapot in nopayong komintan.