KINOBAḺIAN 20:6 - Alkitab Singog In Mongondow Masa In Tanaa

⁶ Dá ki Allah in notubag kon bonu in togoindop tatua, “Totuu, kinotaauan-Kubí kon soaḷ tatua in inaidanmubí takin gina modarit. Tuamai Akuoi in nogimaḷowdon kon inimu bá diá momia kon dosa kon i-Nakó, bo diábí pomayá-Ku mako iko in moḻiai kon bobay tatua.

KINOBAḺIAN 20:6 Iomraidhean Croise

KINOBAḺIAN 26:11

Bo ki Abimelek in nobogoidon in tompoingat kon bayongan in rayatnea nanaa, “Ki ine in moporupa-rupamai kon intau tanaa ande kon i buḷoinea, yo hukumonbí kopatoion.”

KINOBAḺIAN 3:3

“koḻikudbí in bungai pangkoi in kayu inta kon yua-yuak in taman tanaa. Ki Allah nogimaḷow sinbá kami diá mokaan kon bungai in pangkoi kayu tatua ande moḻiai kon pangkoinea, aka aidan nami intua, yo matoi in kami.”

KINOBAḺIAN 31:24

Kon tungkuḷ in doḷom ki Allah namangoi kon i Laban kon bonu in togoindopnea, bo noguman, “Pokoingat dika mokoimontanmai iko mopogogondok kon i Yakub takin tosingogon tongáka totontagá.”

KINOBAḺIAN 31:7

Bo umpaka natua táe akuoi inuboḷanneapa doman bo binaḷuaineadon tondan in pinogaidanku nodapot in kopuḷú. Táe diábí pinomayá mako i Tuhan in sia nopoaid in inta moraat kon inakó.

KINOBAḺIAN 35:5

Kon tungkuḷ in ki Yakub bo rombongan buḷoi, adí bo ginaḷumnea nobuat, ki Allah nogoḻingoi kon intau mita inta kon kotá tatua, dapot in mosia diá nogaḷow kon i Yakub bo rombongannea.

KINOBAḺIAN 39:9

Kon naa kawasaku notongkai in kawasanea. Diábí in tobatúmai diá pinopopirisayanea kon inakó koḻikudbí in ki Nyora. Yo naondabí in akuoi momia kon inta moraat natua bo mogaid kon dosa kon i Allah?”

MAZMUR 51:4

Bataaidon in bayongan in aidku moraat; daritaidon in akuoi nongkon dosaku.

MAZMUR 81:12

Táe umat-Ku in doí mokidongog kon i-Nakó, Israel in doí motoindudui kon i-Nakó.

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

IḶUAIAN 34:24

Naonda in mopaḷut mako Akuoi mopoguntun in bangusa mita nongkon tayowonmu bo dugangan-Kudon in kooḷad in butámu, diá tobatúmai intau in mobarani mogagow kon butámu kon dodai in moiko mayá sin morame kon Pesta Roti Diá in Ragi, Pesta Pobatunan kon Boyó bo Pesta Pondok Daun.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

AMSAL 6:29

Tua in notongkaibí in mosiug takin buḷoi in intau ibanea. Ki ine in mogaid kon tua diábí kotaḻiban in hukuman.

IMAMAT 6:2

Intau tobatú musti moposumba in kuruban aka sia nogaidon kon dosa kon i Tuhan pinopisí in sia doídon mopobui in kapunyaan intau inta pinoki tagúpa kon inia, ande sia nonguboḷdon kon intau, nonakow kon kapunyaan intau, ande ain nokouḻí kon kapunyaan intau inta ain nobuḻi, táe momayow poḷat doman mongibot.

MATIUS 27:19

Wakutu in ki Pilatus ḻimitúpa mako kon baḷoi pongadilan, ki buḷoinea nongoyow kon inia, “Donaai iko dumugang kon pelekara in intau mopia tanion, sin lantaran Sia yo akuoi in sinumogoindop kon diá mopia in kogobíi.”

KORINTUS 1 7:1

Tanaa in insilangankudon kon i monimu onu inta pinais monimu kon surat inta kinirim monimu kon inakó. Aka tobatú ḷoḷaki bo diá nobuḷoi, sabanarnea mopia intua.

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

TESALONIKA 2 2:11

Tuamai popoangoian i Allah in tobatú kawasa inta mokopoyaying kon i monia, sinbá mopirisaya in mosia kon soaḷ inta diá totuu.

TESALONIKA 2 2:7

Ropot inta mogaid kon moraat tatua in momangkoidon umuni-uni mogaid, táe sinaha-tahangpa mako. Bain aka poyayúondon in intau inta monahang tatua,

SAMUEL 1 25:26

Ki Allah ain nogimaḷow kon i Tuangku motuḻí bo moḻimod kon musung mita i Tuang. Bo tanaa Tuangku, podoyon kon i Tuhan inta nobiag, bobantung naa in mongibot, igumon mako nasib in bayongan musung i Tuangku bo bayongan in intau inta moibog momia kon mokobodito kon i Tuangku in mobaḻídon ná nasib in Nabal.

SAMUEL 1 25:34

Ki Tuhan ain nogimaḷow kon inakó mogaid kon inta moraat kon inimu. Podoyon kon i Tuhan, Allah in Israel inta nobiag, aka kuma bo iko diá ḷagi nokipodungkuḷ kon inakó, yo notantú bidon kon bayongan in intau i Nabal nodait bidon minatoi kon dodai in mata in singgai diápa nomuká!”