KINOBAḺIAN 20:5 - Alkitab Singog In Mongondow Masa In Tanaa

⁵ Ki Abrahambí tontaní in noguman kon bobay tatua in ki ai-ainea, bo bobay tatua in noguman doman natua. Tua in pinomiakubí takin gina inta modarit, dá diábí in akuoi kotaḷá.”

KINOBAḺIAN 20:5 Iomraidhean Croise

KINOBAḺIAN 12:13

Dá maníka pogumandon kon iko in ki ai-aiku sinbá akuoi in pomayádon mako monia in mobiag bo mopia doman in pototomu monia kon inakó sin popisí in iko.”

KINOBAḺIAN 20:13

Dá tungkuḷ in ki Allah nopotabá kon inakó nonaḷámai kon baḷoi i amáku bo minaya-mayá mako kon butá mita inta diá kinotaauanku, akuoi in nogumandon kon i buḷoiku, ‘Poniatadon in kotoinduduimu kon inakó takin mopotaau kon bayongan intau kon akuoi naa in ki guya-guyangmubí.’ ”

KINOBAḺIAN 20:16

Bo sia in noguman kon i Sara, “Ki Guya-guyangmu inogoiankudon in doit saḷaka toribu inta mobaḻí bukti kon bayongan intau kon iko in totu-totuubí diá kotaḷá.”

DATU MITA IMITÁNEA 9:4

Aka iko mogundoi kon i-Nakó takin gina motuḻid bo mobanar ná ki Daud ki amámu, bo iko in motoindudui kon bayongan hukum bo parenta-Ku,

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

AYUB 33:9

Iko in noguman, ‘Akuoi in nodarit, diábí in aidku noiḻimpat. Diábí in nokotor bo diábí nogaid kon noitaḷá.

MAZMUR 24:4

Intau inta diá in bogit in raian bo oaidnea, inta diá nongibot ubo-uboḷ bo diá nosumba kon berhala.

MAZMUR 25:21

Poigumon mako kopiaan bo kojojujur moḷukad kon inakó, sin akuoi in mongamang kon ini-Mu.

MAZMUR 26:6

Sinomokanku in ḻimaku nobaḻí tomponuot kon diá kotaḷá, bo minayá noḻibu kon mezbah-Mu, o Tuhan,

MAZMUR 7:8

Sipundon in bangusa mita kon diug-Mumai, bo kawasaaidon in mosia nongkon tampat pomomarentaan-Mu kon soroga.

MAZMUR 7:9

Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

MAZMUR 73:13

Diábí in mangaḻenea in akuoi moḷukad sinbá ginaku modarit; diábí in mangaḻenea in akuoi yumayú kon dosa.

MAZMUR 78:72

Ki Daud in noḷukad kon i monia takin tuḻid in gina, bo kinapitnea in mosia kinopia-pia mako.

AMSAL 11:3

Intau mopia in kapiton in aidnea tontaní inta motuḻid; intau inta moibog monguboḷ in rimumudon in uboḷnea tontaní.

AMSAL 20:7

Adí mita mountung aka oyúon in guyanga ḷoḷaki inta mopia bo motuḻid in kobobiagnea.

DANIEL 6:22

Bo kinodongogandon in tubag i Daniel, “Mobiagdon in ki Tuangku modapot in mononoi!

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

TESALONIKA 1 2:10

Motusi in kobobiag nami, mobanar bo diá in yagi-yagi inta diá mopia in inaidan nami kon i monimu inta ain nopirisaya kon i Kristus. Inontong bidon monimu tontaní in kami bodongka bidon ki Allah in nonotaau kon tua komintan.

TIMOTIUS 1 1:13

umpakabí tungkuḷ intua akuoi naa in umuran moponapud in diá totuu bo momogutú poḷat doman moningkuḻe kon i-Nia. Táe sinotabibí i Allah in akuoi, sin dodai intua akuoi in diápa mopirisaya, sahingga in diábí kinotaauanku onu in pinomiaku tatua, noitutui ande noitaḷá.

YOSUA 22:22

“Inta Totok in Mokawasa tuata in ki Tuhan! Inta Totok in Mokawasa tuata in ki Tuhan! Kinotaauan-Neabí kon nongonubí sin kami in nomiabí kon natua, bo ibogon nami sinbá kotaauan doman monimu mongo nongonu sin pinomiabí nami in natua! Aka kuma bo pinomia nami intua sin moḷawang kon i Tuhan andeka kami in diádon mopirisaya kon i-Nia, dá pobiódon mako in kami matoi tanaa doman mako!