KINOBAḺIAN 2:21 - Alkitab Singog In Mongondow Masa In Tanaa

²¹ Bo pinopoḷoḷotdon totok i Tuhan Allah in intau tatua, bo noitongkaná in sia nosiug, ki Tuhan Allah in nogamá kon tuḷan gutuk tobatú nongkon awak in intau tatua, nopaḷut mako bui-Nea bo binonuan in tapú.

KINOBAḺIAN 2:21 Iomraidhean Croise

KINOBAḺIAN 15:12

Naonda in mata in singgai ain momangkoi tumoyop, ki Abram in noḷoḷot. Bo daḻíbí in sia inagían totok in ondok.

AYUB 33:15

Umpaka intau nosiug noḷoḷot kon dodai in doḷom, kon bonu in togoindop bo oontongon, ki Allah in mosingog.

AYUB 4:13

Siugku in kinotuyayowannea, nádon onda bo sinumogoindop kon diá mopia kon sindip moromon.

AMSAL 19:15

Aid maḷat mokopopisí kon intau mosiug moanok, bo imbuitnea intau maḷat koaputan in gogoy.

DANIEL 8:18

Koyogot in sia mosingogmai, notambuḷoḷok in akuoi. Táe kinadaiannea in akuoi bo sinuḷungan pinosindog bui. Bo sia in noguman,

KORINTUS 1 11:8

sin ḷoḷaki in deemanbí inaidan nongkon bobay, táe bobaybí in inaidan nongkon ḷoḷaki.

SAMUEL 1 26:12

Dá ki Daud nogamádon kon pandong bo tampat in tubig i Saul tatua inta kon uḷuan i Saul, bodongka minayá. Diábí tobatúmai in intau in nokoontong kon tua andeka nonotaau kon onu inta nobaḻí, andeka noibangon, sin pinopoḷoḷotdon i Tuhan in mosia komintan.