KINOBAḺIAN 2:2 - Alkitab Singog In Mongondow Masa In Tanaa

² Kon singgai nogimpitu nodaitdon noḷapat i Allah in bayongan oaidan-Nea tatua, bo Sia in nogogaidon.

KINOBAḺIAN 2:2 Iomraidhean Croise

KINOBAḺIAN 1:31

Ki Allah in inimindoi kon bayongan inta ain pinomia-Nea tatua, bo nopia totok in gina-Nea. Doḷom noitaḻib bo namangoidon in doḷo-doḷom. Tuata in singgai inggonomnea.

KINOBAḺIAN 2:3

Dá binarakatandon i Allah in singgai nogimpitu tatua bo binaḻí-Neadon singgai husus, sin kon singgai tatuata ki Allah nogogai naonda in noginḷapat mako kon oaidan-Nea.

IḶUAIAN 23:12

Kon todiminggu, onom nosinggai motaau pakéon monimu mogaid, táe kon singgai noginpitu musti in moiko mogogai, sinbá bobiagonmu, atamu mita bo intau mita ango-angoi inta nogaid kon i monimu mogogaipa doman.

IḶUAIAN 31:17

Singgai tatua in ponanoban tobatú inta motantú kon sigad in bangusa Israel bo kon i-Nakó, sin Akuoi, Tuhan, nomaḻídon kon ḷangit bo butá onom nosinggai koonggotnea, bo kon singgai noginpitu nogogaidon in Akuoi nogaid bo poḷat nomarakat.”

YESAYA 58:13

Ki Tuhan in noguman, “Horomatbí in singgai in Sabat saḷaku singgai kon i Tuhan. Dika mogaid kon kopontinganmu tontaní kon singgai tatua. Ramedon in singgai tatua nobaḻí singgai mokosanang kon gina; horomatbí in singgai i Tuhan takin diá maya-mayá mako; dika doman mogaid andeka mosingog kon diá in mangaḻenea.

YOHANES 5:17

Táe ki Yesus in noguman kon i monia, “Ki Amá-Ku in umuranbí mogaid umaai in tanaa mako, dá Akuoi in mogaidbí doman.”

ULANGAN 5:14

táe singgai noginpitu tua in singgai pogogaian inta tondíondon kon i-Nakó, ki Tuhan Allahmu. Kon singgai tatua diábí motaau in tobatúmai intau in mogaid, pinomayá moiko, adímu mita, bobantungmu mita, bobiagonmu ande intau ango-angoi inta nogutun kon butámu. Bobantungmu mita in musti mogogai ná doman moiko.

IBRANI 4:10

Intau inta ain sinumuot kon tampat pogogogaian i Allah, yo sia in mogogai bidon kon bayongan in oaidannea, ná doman ki Allah inta nogogaidon kon bayongan in oaidan-Nea.

IBRANI 4:4

Sin soaḷ singgai impitunea naa ain pinais kon Buk Motusi nanaa: “Kon singgai impitunea ki Allah nogogai in nogaid kon bayongan oaidan-Nea.”