KINOBAḺIAN 2:18 - Alkitab Singog In Mongondow Masa In Tanaa

¹⁸ Bo ki Tuhan Allah in noguman, “Diábí mopia intau aka mobiag tongá sia-sia mita. Pomiaan-Kudon kon yobayatnea inta motombuḷoi sinbá motaau motuḷung kon inia.”

KINOBAḺIAN 2:18 Iomraidhean Croise

KINOBAḺIAN 1:31

Ki Allah in inimindoi kon bayongan inta ain pinomia-Nea tatua, bo nopia totok in gina-Nea. Doḷom noitaḻib bo namangoidon in doḷo-doḷom. Tuata in singgai inggonomnea.

KINOBAḺIAN 2:20

Natuata in intau nonontangoi kon bayongan mahaḷuk inta kon toba bo inta ḷumoḷayug. Táe diá in tobatúmai kon sigad in mahaḷuk mita tatua in motaau baḻíon yobayat inta motombuḷoi motuḷung kon inia.

KINOBAḺIAN 3:12

Ḷoḷaki tatua in notubag, “Bobay inta inogoi-Mu sin motuḷung, sia tua in nobogoi kon inakó in bungai in kayu tatua, bo kinaanku domandon.”

AMSAL 18:22

Intau inta mokouḻí kon buḷoi bobay, mokouḻí kon kauntungan; buḷoi in barakat nongkon i Tuhan.

KORINTUS 1 7:36

Tongá aka tobatú intau bo nogaid kon inta diápa patus aidan kon i kantangnea sin diádon mokotahang kon ibognea, táe oyúonbí in niat monia motonibuḷoi yo aidaibí. Sin diábí baradosaan aka motonibuḷoibí in moiko.

PETRUS 1 3:7

Moiko doman, ḷoḷaki mita komangartibí kon i buḷoi monimu poḷat doman monotaau kon mosia tua in intaubí mita inta moyangkó. Horomatbí in mosia, sin mosia tua in moyotakin monimu motarima kon tombuinag kobiagan inta mononoi nongkon i Allah. Aidaibí in naa sinbá diá in mokoḷamboi kon sambayang monimu.

RUT 3:1

Diá noonggot kon tua, ki Naomi noguman kon i Rut, “Adíku ramujionkudon kon bá iko in buidon pobuḷoion bo mosanangdon in kobiaganmu.