KINOBAḺIAN 19:9 - Alkitab Singog In Mongondow Masa In Tanaa

⁹ Táe intau mita in Sodom tatua in noguman kon i Lot, “Pomamping! Iko nion tongá mokokiangoi bo mogator kon i nami? Bayá intua! Aka diá, yo iko in bouton nami totok poḻiuon kon inayadua tua.” Bo inundudon monia in ki Lot bo poḷat binayá dinangatan monia in ḷoḻingkop.

KINOBAḺIAN 19:9 Iomraidhean Croise

KINOBAḺIAN 11:6

Bo ki Tuhan noguman, “Mosia naa in tobangusa bo tobahasaan doman, bo naa bagu pomangkoian in tomayá mita monia. Diádon moonggot bo mosia in mokomampudon momia kon onuka in kinoibog monia.

KINOBAḺIAN 13:12

Ki Abram in tantúbí nogutun kon butá in Kanaan, yo ki Lot in nogaid kon ḷoḷaigannea kon kotá inta kon ḷopá nodapot kon diug in Sodom.

IḶUAIAN 2:14

Intau tatua in notubag, “Ki ine in noduí kon inimu itoi bo hakim kon i nami? Degá ḻimodonmu doman in akuoi, ná intau in Mesir inta iḻimodmu tua?” Bo ki Musa inagíandon in ondok bo norai, “Mobodito! Oaidku tatua aindon kinotaauan.”

AMSAL 14:16

Intau mopia in umuranbí mokopoingat bo yumayú kon inta moraat, intau bodok in tumorú totok, bo mokorasa kon moaman.

AMSAL 17:12

Mopia-piabí kon moyodungkuḷ in ki iná in beruang inta kinobuḻian i adínea, dika in moyodungkuḷ in intau bodok inta kinawasa in kobobodoknea.

AMSAL 27:3

Batu bo bungaion tua in mogaanpabí, aka poyobandingonmai in nakit in gina popisí in intau bodok.

MOHOHUTUBA 10:13

Pangkoiannea in ouman uboḷ, táe imbuitnea oumannea naonda bo intau nobundai.

MOHOHUTUBA 9:3

Dá, ukur inta motongkai in moiumabí doman kon i monia komintan. Bo tua in soaḷ inta mokonakit kon gina ná doman bayongan inta nobaḻí kon dunia. Kon dodai in mobiagpa gina in intau nopuḻing in inta moraat, bo raiannea in nopuḻing doman in kabodokan. Bo daḻídon in sia moyodungkuḷ in wakutunea matoi.

YESAYA 65:5

Mosia in noguman ‘Bayádon koyayú, dika moḻiai kon inami sin kami in motusi bo noitondí nongkon i monimu!’ Akuoi in diádon mokoigon in mokoontong kon dodia monia! Torú-Ku kon i monia in naonda bo tuḷú inta diá mopio-piong.

YEREMIA 3:3

Tuamai in tubig nongkon ḷangit diá moḷabú, bo uyan kon sempo in pononubú diá doman moiango-angoi. Iko in naonda bo bobay sundaḷ, bo diá kotoguoyá.

YEREMIA 6:15

Mustibí in mosia tua mooyá sin nogaidon kon bayongan inta mokooyá tua. Táe mosia tua in nobunodon in pogot bo diá kooyá. Tuamai in moḷabúbí in mosia ná intau ibanea; modaitdon in ouman monia aka Akuoi mohukum kon i monia. Akuoi, ki Tuhan, ain nosingog.”

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.

YEHEZKIEL 16:49

Sodom bo ḻipúnea mita in noḷoḷatú popisí in nobayong in tongkaaḷ kaanon bo nobiagdon noodom bo nodame. Táe mosia in diá noindoimai kon intau nobogá bo noompá.

MATIUS 7:6

Donaaidon moiko mobogoi in barang inta mokudus kon ungkú. Bo donaai moiko mopogarab in mutiaramu kon boké, sinbá diá tongá rita-ritakannea mako intua bodongka mobuimai moyingki-yingkit kon i monimu.”

SAMUEL 1 17:44

Bo buipa doman in sia nonontot kon i Daud, kainia, “Angoidon in naa! Awakmu nion in pokaanonkudon kon ḷagapan bo mahaḷuk.”

SAMUEL 1 2:16

Aka intau tatua motubag, “Mopia-piabí kon kita in dumudui kon atorang, bo motubápa muna kon ḷongónea tatua; baintua bo motaaudon in iko mogamá kinooibogmubí,” dá mototuḷung tatua moguman, “Diábí motaau, mustibí tanaa doman mako in ogoimu, aka diá, yo pakisaanku gamáan.”

SAMUEL 1 25:17

Manangka intua, raidon kopia in soaḷ tanaa, bo tantúdon onu inta motaau pomiaan i Iná. Sin notantú bidon kon moiangoibí in tontuḻí kon i tuang naton bo kon bayongan in motoḷuadínea. Ki Tuang naton in totuu motontogat in gina modapot in sia diá motaau anutan mongonguman!”