KINOBAḺIAN 19:8 - Alkitab Singog In Mongondow Masa In Tanaa

⁸ Ain kinotaauan monimu, kon akuoi in kogadí kon mongodeaga doyowa. Bain ogoiku in mosia kon i monimu bo aidaidon onu in kinoibog monimu aidan, táe poigumonku kon i monimu donaai rupa-rupaan monimu in mokokiangoi mita inta kon baḷoiku naa; sin hakkubí in moḷukad kon i monia.”

KINOBAḺIAN 19:8 Iomraidhean Croise

KINOBAḺIAN 18:5

Bain oḷudanku in kaanon tongáka naonda, sinbá tai Tuang in moropotdon bui bo buidon mongingguput kon bobayáan. Mobaḻí tobatú kahoromatan kon inakó aka tai tuang moibogpa mongandup kon baḷoi in bobantungmu naa.” Tubag monia, “Sukur moantó kon oaidmu inta mopia tua. Mongandupdon in kami.”

KINOBAḺIAN 19:7

Ki Lot in noguman kon intau mita in Sodom tatua, “Utat mita, poigumonku totok kon i monimu, donaaidon momia kon inta moraat ná tatua!

KINOBAḺIAN 42:37

Bo ki Ruben in noguman kon i amánea, “Posarakaidon kon inakó in ki Benyamin, Papa; bain diaanku bui in sia mangoi, aka diá, ki Papa motaaubí moḻimod kon i adíku ḷoḷaki doyowa tua.”

IḶUAIAN 32:22

Tubag i Harun, “Dikapa tumorú kon inakó; kinotaauanmudon tontaní naonda in kinobobarani intau mita tanaa momia kon inta moraat.

AMSAL 9:7

Aka intau inta doí tundúon bo potaaumu in taḷánea, yo kosinganneabí in iko. Aka intau moraat bo torúanmu, yo siba-sibáanneabímai in iko.

YESAYA 58:7

Silaidon in kaanonmu takin intau inta gogoyon, tarimadon kon baḷoimu in intau mita inta diá kobaḷoi. Ogoiaidon in ḷambung in intau mita inta diá nogiḷambung, bo dika monoḻikud kon i utatmu inta paraḷu tuḷungan.

MARKUS 9:6

Sabanarnea diádon kinotaauan i Petrus mongo onu in musti singogonnea, sin sia takin yobayatnea taya dua tua in totokpa inangoian ondok.

SURAT I PAULUS KON JAMAAT RUM 3:8

Bo nongonu sin kita in diá doman motaau in moguman, “Koḻigai, kita in mogaid kon inta moraat sinbá momukádon in inta mopia?” Totuubí kon oyúonbí in intau mohojat kon inakó bo moguman kon akuoi ain nosingog kon natua. Intau mita natua in patusbí hukumon i Allah.

HAKIM MITA 19:23

Guranga tatua iḻumuai bo noguman kon i monia, “Dika, uḻe utat mita! Poigumonku, dika momia kon inta moraat bo inta diá patus ná tua, sin sia tua in mokokiangoiku.

HAKIM MITA 19:24

Bain ogoiku in ki buḷoinea ibanea bo ki adíku bobay kon i monimu. Motaaudon in moiko moposanang in gina monimu takin monia. Táe dika in momia kon onu inta moraat kon mokokiangoiku tatua!”

HAKIM MITA 9:15

Bonganga tatua notubag, ‘Aka totu-totuubí in moiko moibog mopobaḻí kon inakó datumu, dá koḻigaidon kon siungonku. Aka doí in moiko, dá nongkon tangaku mita inta dodugian naa ḷumuaidon in tuḷú inta momokak kon bayongan pangkoi in aras kon Libanon.’ ”