KINOBAḺIAN 19:5 - Alkitab Singog In Mongondow Masa In Tanaa

⁵ Mosia in nokuuk kon i Lot, bo poḷat noḻibó, “Kon onda in intau mita inta namangoi mosiug kon baḷoimu? Diadon poḷuai mangoi in mosia nion, bá aidanmai nami!”

KINOBAḺIAN 19:5 Iomraidhean Croise

KINOBAḺIAN 19:6

Ki Lot iḻumuai nongkon baḷoinea, táe baḷoi in buineadon iḻingkopan.

DATU MITA IMITÁNEA 14:24

Kon tampat mita tatua mosia sumundaḷ sin mosumba kon dewa. Nodapot in ḷoḷaki mita mopobayá doman in oaidan nobaḻí sundaḷ. Intau in Yohuda nomia kon bayongan oaidan inta moromú inta pinomia in bangusa mita inta ain pinoguntun i Tuhan kon dodai in intau in Israel tumuotdon kon butá tatua.

YESAYA 1:9

Aka ki Tuhan Inta Totok in mokawasa diá noposaḷamat kon tongonumai in intau kon i naton, yo kita in noyopú bidon komintan, naonda bo Sodom bo Gomora.

YESAYA 3:9

Dodia monia inta moḷoḷatú moponiata kon aid monia inta moraat. Koonto-ontong mako mosia in mogaid kon dosa naonda bo intau in Sodom dungkuḷmai. Mobodito in mosia! Mosia in mopoangoi in bodito kon i monia tontaní.

YEREMIA 3:3

Tuamai in tubig nongkon ḷangit diá moḷabú, bo uyan kon sempo in pononubú diá doman moiango-angoi. Iko in naonda bo bobay sundaḷ, bo diá kotoguoyá.

YEREMIA 6:15

Mustibí in mosia tua mooyá sin nogaidon kon bayongan inta mokooyá tua. Táe mosia tua in nobunodon in pogot bo diá kooyá. Tuamai in moḷabúbí in mosia ná intau ibanea; modaitdon in ouman monia aka Akuoi mohukum kon i monia. Akuoi, ki Tuhan, ain nosingog.”

YEHEZKIEL 16:49

Sodom bo ḻipúnea mita in noḷoḷatú popisí in nobayong in tongkaaḷ kaanon bo nobiagdon noodom bo nodame. Táe mosia in diá noindoimai kon intau nobogá bo noompá.

YEHEZKIEL 16:50

Moḷoḷatú bo pamandot in mosia, poḷat doman nogaid kon inta kinodoí-Ku mita. Tuamai in irimumud-Ku in mosia ná inta ain inontongmu.

YEHEZKIEL 16:51

Totuu kon Samaria in moraat, táe dosanea in diábí tugat tongobotak in dosamu mita. Dodiamu in moraa-raat. Ki utatmu mita bobay naonda bo diá kotaḷá aka poyotongkaion kon inimu. Mustibí mooyá bo moempeng in iko!”

IMAMAT 18:22

Ḷoḷaki diábí motaau in mososiugan takin doman ḷoḷaki; kinodoíbí i Allah in oaid natua.

IMAMAT 20:13

Aka intau ḷoḷaki tobatú bo mosiug doman takin ḷoḷaki ibanea tobatú, yo mosia tua ain nomia kon oaid inta moraat bo mokooyá, dá taya dua tua musti hukumon matoi. Mosia in minatoi sin pinopisí in taḷá monia tontaní.

KORINTUS 1 6:9

Diábí kotaauan monimu kon intau mita inta diá motoindudui kon i Allah in diábí mobaḻí umat i Allah? Dika koakaḷan! Sin bayongan intau inta mogaidmai kon mokotor, bayongan intau inta umuran dumudui kon parenta in berhala, monuaḻing bo mokituaḻing, inta moibog kon tumpaḷa ḷoḷaki ande tumpaḷa bobay,

ULANGAN 23:17

Intau Israel tobatú pinomayá ḷoḷaki ande bobay, diábí motaau in mobaḻí sundaḷ kon kuil mita pososumbaan.

TIMOTIUS 1 1:10

pinopomakusud doman kon i monia inta mokotor in oaid, kon i monia inta mongibog kon tumpaḷa ḷoḷaki, kon i monia inta banselang, kon i monia inta mongouboḷ bo kon i monia inta umuran mongonguman kon diá totuu, bo oaid mita inta diá kinoibog in totundú inta mobanar.

TIMOTIUS 2 3:13

Intau mita moraat bo mongouboḷ in kodugang-kodugangdon in koromú monia. Mosia in umuran monguboḷ kon intau ibanea, táe diábí kinotaauan monia kon mosia tua in kino akaḷanbí doman in intau ibanea.

PETRUS 2 2:2

Táe umpaka natua, yo mobayongpa doman in intau dinumudui kon kobobiag in intau mita inta deeman totuu guru inta kinawasaandon ibog in awak monia. Aid monia tatua totok in mokopopisí kon mobayong in intau moningkuḻe kon Daḷan Mobanar inta mopobayá kon i Allah.

PETRUS 2 2:7

Táe ki Lot in pinosaḷamat sin sia in dinumudui kon singog i Allah; mororiga totok in ginanea sin umuran mokoontong kon aid mita mokotor inta pinomia in intau mita inta moromú.

YUDAS 1:7

Torop domandon in onu inta nobaḻí kon kotá in Sodom bo Gomora bo kon kotá mita inta kon diugneamai, inta intaunea mita kon tua in nogaid doman kon ná inta pinomia in malaekat mita tatua. Mosia in nogaid kon soaḷ mita inta mokooyá totok bo nogaid doman kon inta diádon patus aidan in intau. Hukuman kon i monia tua in tuḷu inta diá mopio-piong, sinbá tua in mobaḻí tompoingat kon bayongan in intau.

HAKIM MITA 19:22

Koyogot in mosia mobarasanang, daḻíbí in baḷoi tatua iḻipung in intau mita moraat kon kotá tatua. Sinuḷud monia in ḷoḻingkop bo noguman kon guranga tatua, “Ogoidon kon inami in ḷoḷaki inta diniamu kon baḷoimu. Aidanmaidon nami in sia!”