KINOBAḺIAN 19:34 - Alkitab Singog In Mongondow Masa In Tanaa

³⁴ Nopoikoḷomai kon singgai, ki adínea guya-guyang noguman kon i ai-ainea, “Kogobíi akuoi ain nosiug takin i amá! Bain doḷom bo poinumon bui naton in ki amá dapot in moḷoḷangu bui. Bodongka iko mosiug takinnea. Bá kitada in tumpaḷadon mokouḻí kon adí.”

KINOBAḺIAN 19:34 Iomraidhean Croise

KINOBAḺIAN 19:33

Kon doḷom tua pinoinum monia in anggur in ki amá monia, bo adí guya-guyang in nosiug takin i amánea; táe ki amánea totokdon in noḷoḷangu nodapot in diádon kinotaauannea onu in nobaḻí doḷom tua.

KINOBAḺIAN 19:35

Natuata in pinomia monia kon i Lot, pinoinum monia dapot in noḷoḷangu, bo ki adínea induanea in nosiug takinnea. Ki Lot noḷoḷangu totok dapot in diá kinotaauannea onu in nobaḻí.

YESAYA 3:9

Dodia monia inta moḷoḷatú moponiata kon aid monia inta moraat. Koonto-ontong mako mosia in mogaid kon dosa naonda bo intau in Sodom dungkuḷmai. Mobodito in mosia! Mosia in mopoangoi in bodito kon i monia tontaní.

YEREMIA 3:3

Tuamai in tubig nongkon ḷangit diá moḷabú, bo uyan kon sempo in pononubú diá doman moiango-angoi. Iko in naonda bo bobay sundaḷ, bo diá kotoguoyá.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YEREMIA 6:15

Mustibí in mosia tua mooyá sin nogaidon kon bayongan inta mokooyá tua. Táe mosia tua in nobunodon in pogot bo diá kooyá. Tuamai in moḷabúbí in mosia ná intau ibanea; modaitdon in ouman monia aka Akuoi mohukum kon i monia. Akuoi, ki Tuhan, ain nosingog.”

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.