KINOBAḺIAN 19:31 - Alkitab Singog In Mongondow Masa In Tanaa

³¹ Ki adínea bobay inta guya-guyang noguman kon i ai-ainea, “Ki amá aindon nogurang, bo bayongan ḻipú tanaa diádon in ḷoḷaki inta motaau motonibuḷoi naton sinbá kita mokouḻípa kon adí.

KINOBAḺIAN 19:31 Iomraidhean Croise

KINOBAḺIAN 16:2

Ki Sarai in noguman kon i Abram, “Akuoi naa in diádon ogoi Tuhan mononggadí. Tuamai, maníka iko in mosiugdon moyotakin in bobantungku tanaa, sin degá sia motaaupa mopononggadí in adí inta baḻíon ki adíku.” Dá dinuduian i Abram in singog i Sarai tatua.

KINOBAḺIAN 16:4

Ki Abram in nosiugdon takin i Hagar, bo nobaḻídon sidia in bobay tatua. Táe naonda in kinotaauan i Hagar kon sia in sidiadon, sia in mokaḷakuangdon bo moningkuḻemaidon kon i Sarai.

KINOBAḺIAN 19:28

Sia in nobobui kon dotá in Sodom bo Gomora bo kon ḷopá mita, bo inontongnea in poyok in tuḷú inta nosipun nongkon butá tatua, naonda bo poyok nongkon doḷuong moḷoben.

KINOBAḺIAN 4:1

Onda intua ki Adam in nosiug noyotakin i Hawa, ki buḷoinea, bo sidiadon in bobay tatua. Sia nopononggadí in adí ḷoḷaki tobatú, ki Hawa in noguman, “Takin totuḷung i Tuhan akuoi nokouḻí kon adí ḷoḷaki.” Dá sinangoiannea in adí tatua ki Kain.

KINOBAḺIAN 6:4

Kon zaman intua, bo kon noiduduimai kon tua, oyúon in intau mita inta mongo itoi bo mongoḷoben kon dunia naa. Mosia tua in buí in bobay mita inta notonibuḷoi takin i adí mita i allah. Intau mita inta moitoi bo moḷoben tua in mongoroton bo ponango-nangoian kon tungkuḷ intua.

YESAYA 4:1

Kon dodai intua pitu in bobay in kumadai kon ḷoḷaki tobatú bo moguman, “Ogoidon in kami ḷumabit kon iko in ki buḷoi nami, sinbá kami in diá mobaba kon oyá popisí in diá notonibuḷoi. Kaanon bo ḷambung kopooyúonanbí nami tontaní.”

MARKUS 9:6

Sabanarnea diádon kinotaauan i Petrus mongo onu in musti singogonnea, sin sia takin yobayatnea taya dua tua in totokpa inangoian ondok.

ULANGAN 25:5

“Aka intau ginaḷum bo mogutun moyotakin, bo tobatú kon sigad monia minatoi tongá diá kogadí kon ḷoḷaki, dá ki baḷunea in diábí motaau motonibuḷoi in intau ibanea kon ḷuai in ginaḷum in buḷoinea inta ain minatoi. Ginaḷum i buḷoinea in mustibí mononibuḷoi kon bobay-bobay tatua.