KINOBAḺIAN 19:17 - Alkitab Singog In Mongondow Masa In Tanaa

¹⁷ Naonda intua tobatú nongkon malaekat tatua in noguman, “Poḷaguidon, posaḷamatdon in nyawamu! Donaai mobobui kon tumi bo donaai mogogai kon ḷopá. Poḷaguidon bayá in buḷud, sinbá diá matoi in moiko!”

KINOBAḺIAN 19:17 Iomraidhean Croise

KINOBAḺIAN 13:10

Ki Lot nobobui magí mako bo inontongnea kon bayongan Ḷopá in Yordan, nodapot kon kotá in Zoar nobarong in tubig, ná taman i Tuhan ande naonda bo butá in Mesir. (Natuata in kaadaannea kon dodai in diápa pinokak i Tuhan kotá mita in Sodom bo Gomora.)

KINOBAḺIAN 14:10

Ḷopá tatua nopuḻing in parigí aspal, bo naonda in datu mita nongkon Sodom bo Gomora noramuji noḷagui nongkon parang, mosia in noḷabú kon bonu in parigí mita tatua. Toḷu in datu ibanea nosaḷamat bo noḷagui nopobayá in buḷud.

KINOBAḺIAN 18:22

Bo taya dua inta kon sigad in intau mita tatua minayá ná Sodom, táe ki Tuhan in umuranpa kotaki-takin i Abraham.

KINOBAḺIAN 19:18

Táe ki Lot in notubag, “Kaasí ah, Tuang dikadon pokiḷaguian in kami mayá in buḷud.

KINOBAḺIAN 19:22

Koḻikat, poḷaguidon! Sin diápabí akuoi momia kon onuka aka iko diápa moyaput kon tampat tatua.” Popisí in ki Lot nonangoi kon kotá mointok tatua, dá tuamai kotá tatua sinangoian Zoar.

KINOBAḺIAN 19:26

Táe ki buḷoi Lot in nobobuibí ná tumi, dá sia in nobaḷui nobaḻí oigi simuton.

KINOBAḺIAN 19:30

Pinopisí in ki Lot moondok in mogutun motantú kon Zoar, dá minayádon ná buḷud in sia takin ki adínea bobay doyowa tua, bo nogutun kon tua kon bonu in tobatú angob.

DATU MITA IMITÁNEA 1:12

Aka moibog in ki Buḷoi Datu sinbá ki Salomo bo ki Buḷoi Datu in mosaḷamat doman, dá naa in tongginaku,

DATU MITA IMITÁNEA 19:3

Inagían in ondok in ki Elia, bo noḷagui in sia sinbá diá ḻimodon. Sia bo bobantungnea in minayá in Bersyeba inta kon Yohuda. Kon tua sinaḷáanneadon in bobantungnea tatua,

MAZMUR 121:1

Dondong mayá in Baḷoi Tuhan. Akuoi in inimindoi kon buḷud mita, nongkon onda in totuḷung kon inakó?

YEREMIA 48:6

Guman monia, ‘Koḷamemet! Posaḷamatdon in nyawamu! Poḷaguidon ná keledai kaḻig kon gurun!’

PINOGIAPAN 16:26

Ki Musa noguman kon intau mita in Israel, “Ḷuaidon nongkon ḷoḷaigan in intau mita inta moraat tanaa bo dika doman moḻiai kon kapunyaan monia. Aka moiko doí dumudui, yo moiko in yopúon poyotakinon monia popisí in dosa mita monia.”

MATIUS 3:7

Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?

LUKAS 12:23

Sin mobiagbí in moponti-ponting in kaanon andeka awakbí in moponti-ponting in ḷambung.

LUKAS 9:62

Táe ki Yesus in notubag, “Pomuḷoi in intau inta momangkoidon momajeko, bo mobobuipa ná tumi, yo sia tua in diábí patus mobaḻí umat i Allah.”

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.

SAMUEL 1 19:11

Kon doḷom doman tuata ki Saul nopotabá in tongonumai in intau minayá kon i Daud sin motarap kon i Daud bo moḻimod kon inia naonda in doḷo-doḷomdon. Táe ki Mikhal ki buḷoinea in noguman kon inia, “Aka diá moḷagui in iko in doḷom naa, yo ikoḷom doḷo-doḷom notantú bidon kon ḻimodon monia in iko.”