KINOBAḺIAN 19:1 - Alkitab Singog In Mongondow Masa In Tanaa

¹ Naonda in nongkon i Abraham, malaekat doyowa tatua minayá in Sodom bo noyaput kon tua ain nodoḷomdon. Ki Lot ḻimitú mako kon ngara in kotá, bo naonda in nokoontong kon i monia, sinimindog in sia sin monontomu kon i monia. Bo dinumokódon in sia kon tayowon monia,

KINOBAḺIAN 19:1 Iomraidhean Croise

KINOBAḺIAN 11:27

Naadon buí i Terah: Ki Terah ki amá i Abram, i Nahor bo i Haran. Ki Haran in kogadí kon adí ḷoḷaki, tangoinea in ki Lot.

KINOBAḺIAN 13:12

Ki Abram in tantúbí nogutun kon butá in Kanaan, yo ki Lot in nogaid kon ḷoḷaigannea kon kotá inta kon ḷopá nodapot kon diug in Sodom.

KINOBAḺIAN 18:16

Nopaḷut mako kon tua nobuatdon in mokokiangoi taya toḷu tatua inatod i Abraham. Bo nodapotdon in mosia kon tampat tobatú inta bobuion mako in Sodom.

KINOBAḺIAN 18:22

Bo taya dua inta kon sigad in intau mita tatua minayá ná Sodom, táe ki Tuhan in umuranpa kotaki-takin i Abraham.

KINOBAḺIAN 19:10

Táe mokokiangoi doyowa tatua nopoḷuai in ḻima monia bo poḷat norambit kon i Lot bo pinotuot kon baḷoi, bodongka bui iḻingkopan in baḷoi.

KINOBAḺIAN 19:2

bo noguman, “Tuang mita, akuoi in mopoigum kon bá mongandupa kon baḷoiku. Tai Tuang in motaau in mondaritdon kon sioḷ bo mogogaipa in doḷom naa kon baḷoiku, bain ikoḷom doḷo-doḷom bo mongingguput kon bobayáan.” Táe mosia in notubag, “Sukur moantó, kami in mogogaidon kon lapangan in kotá”.

KINOBAḺIAN 23:12

Dá ki Abraham in sinumungkudon kon tayowon intau mita in Het tatua,

KINOBAḺIAN 48:12

Onda intua ki Yusup nogamá kon i monia nongkon kokoyo-koyot i Yakub, bo sia doman tontaní sinumungkud kon tayowon i amánea.

AYUB 29:7

Aka guyanga mita in kotá ḻimitú moyotakin, bo mogamá in akuoi kon ḷoḻitúan kon sigad monia,

AYUB 31:32

Baḷoiku in motaaubí pongandupan i ineka; diábí kon dodai in onda bióonku mako in mosia mosiug kon daḷan.

MAZMUR 69:12

Akuoi in nopogidaing in karong nobaḻí tomponuot nonogumatoi, táe sinigid monia in akuoi.

LUKAS 17:28

Ná doman tua in nobaḻí kon masa i Lot. Intau mita in nongaan, nonginum, nopotaḷui, notaḷui, nomunak bo nobaḷoi.

IBRANI 13:2

Dika moondo-ondok in motarima kon intau mita inta diápa nogogintaauan monimu aka mongandup in sia kon baḷoimu. Sin nokoimontandon in nobaḻí, oyúon intau in noibog pinongandupan in intau mita inta diá nogogintaauannea, bo naanta mosia tua in malaekatbí mita.

RUT 4:1

Ki Boas minayá in tampat pinoyodungkuḷan kon ngara moḷoben in kotá. Naonda in sia iḻimitú kon tua noitaḻibdon in ḷoḷaki tobatú inta kon raian i Boas sia tua in ginaḷum i Elimelekh inta totokpa in modagin. Bo inoiní i Boas in sia, “Utatku, koḻigai ḻimitúpa kon naa!” Intau tatua in namangoi, bo iḻimitú.