KINOBAḺIAN 18:9 - Alkitab Singog In Mongondow Masa In Tanaa

⁹ Onda intua mosia in noḻibó, “Kon onda in ki Sara, ki buḷoimu?” “Tua in sia, kon bonu in ḷoḷaigan,” tubag i Abraham.

KINOBAḺIAN 18:9 Iomraidhean Croise

KINOBAḺIAN 18:10

Tobatú inta kon sigad nayatoḷu tua in noguman, “Siowpa nobuḷan Akuoi in momangoi bui. Bo kon dodai intua ki Sara ki buḷoimu in kogadídon kon adí ḷoḷaki.” Kon dodai intua ki Sara nokidongog mako nongkon ḷoḻingkop in ḷoḷaigan, inta kon tumimai in mokokiangoi mita tatua.

KINOBAḺIAN 18:8

Onda intua ki Abraham nogamá kon susu inta muna, bo ponoyá inta ain dinungú tua, bodongka inoḷud kon mokokiangoinea mita tatua. Koyogot in mosia mongaan, ki Abrahamdon tontaní in nogoḷud kon i monia kon siungon in pangkoi kayu tatua.

KINOBAḺIAN 24:67

Nopaḷut mako kon tua ki Ishak nodia kon i Ribka sinumuot kon ḷoḷaigan i Sara, ki inánea, bo sinonibuḷoineadon in ki Ribka. Ki Ishak motabi totok kon i Ribka; dá noḻipoidon in susa i Ishak popisí in kinopatoiandon i inánea.

KINOBAḺIAN 3:9

Táe ki Tuhan nogoiní kon ḷoḷaki tatua, “Kon onda in iko?”

KINOBAḺIAN 31:33

Bo ki Laban minayá kon ḷoḷaigan i Yakub bo notayak; nopaḷut mako kon tua sia minayá in ḷoḷaigan i Lea bo ḷoḷaigan in bobantungnea bobay doyowa tua, táe patong tatua diábí nouḻínea. Pangabisannea sia sinumuot kon ḷoḷaigan i Rahel.

KINOBAḺIAN 4:9

Ki Tuhan in noḻibó kon i Kain, “Kon onda in ki Habel ki ai-aimu?” Ki Kain in notubag: “Diábí kinotaauanku. Deemanbí in akuoi moḷoḷukad i ai-aiku?”

TITUS 2:5

musti mobiag mobijaksana, motuḻid in raian bo mobaḻí buḷoi inta motaau moḷukad kon tonibuḷoi monia ( motaau monompia kon tombonu in baḷoinea). Mopia in gina bo motabi kon i buḷoinea. Aka natua in oaid monia, yo diábí in moningkuḻe kon Habar Mopia inta nongkon i Allah.

IBRANI 11:9

Takin pirisayanea tatua, sia in nogutun saḷaku intau mokokiangoi kon butá inta pinodandi i Allah kon inia tua. Ki Abraham in nomia kon ḷoḷaigan bo nogutun kon tua. Natua doman in ki Ishak bo ki Yakub inta notarima doman kon dandi natua nongkon i Allah.