KINOBAḺIAN 18:7 - Alkitab Singog In Mongondow Masa In Tanaa

⁷ Onda intua sia noribatuk nopobayá in paanan bobiagonnea, bo nomiḻí kon ki adí in sapi inta noḷongó bo tapúnea norugápa, bodongka inogoinea kon bobantungnea sin dungúon pongaanan monia.

KINOBAḺIAN 18:7 Iomraidhean Croise

KINOBAḺIAN 18:6

Ki Abraham iḻimikat sinumuot kon ḷoḷaigannea bo noguman kon i Sara, “Koḷamemetdon bo pogamá kon topong tokarong inta totok in nopira, bo pogaidaipa kon roti inta noḻimbung.”

KINOBAḺIAN 18:8

Onda intua ki Abraham nogamá kon susu inta muna, bo ponoyá inta ain dinungú tua, bodongka inoḷud kon mokokiangoinea mita tatua. Koyogot in mosia mongaan, ki Abrahamdon tontaní in nogoḷud kon i monia kon siungon in pangkoi kayu tatua.

KINOBAḺIAN 19:3

Ki Lot in nopoigum totok, dá aher mako mosia in sinumuotdon noyotakin kon baḷoi Lot. Ki Lot in nogoḷudon kon kaanon inta totok in mopia in nanamnea bo nomia doman kon roti inta tugat kinaan monia, bo nongaandon in mosia.

AMOS 6:4

Moboditodon in moiko inta nosiug kon ḷantaan inta totok in mogaga bo inta nononbobutungan poḷat noratá kon sapi bo domba batánea!

MALEAKHI 1:14

Binaḷadon in ki inta motombuḻitok inta noposumba kon i-Nakó in biag inta diá mopia, bo inta munadon nopodandi in biag mopia kon sigad in biagnea mita sin posumba kon i-Nakó! Sin Akuoibí in ki Datu Inta Moḷantud, bo ihoromat in bayongan in bangusa.”

MATIUS 22:4

Sia in nopotabá bui kon bobantungnea mita ibanea, takin koyow, ‘Pogumandon kon intau mita inta ain sinoko oiní tatua: Kon bayongan kaanon aindon sinadiaku. Sapi mita koḷakian, bo biag inta sinokopiaraku aindon iratá. Bo komintan tua aindon sinadia kon meja. Angoidon in rame ponikaan i adíku singgai in naa!’

LUKAS 15:23

Mopaḷut mako pogamá kon ki adí in sapi inta totok in noḷongó bo ratádon. Kita in mongaan moyotakin poḷat morame.

LUKAS 15:27

Dá simpaḷ tatua noguman, ‘Ki ai-ai i tuang in nobuidon mangoi! Bo pinorataan i papamu kon ki adí in sapi inta totok in moḷongó, sin nouḻíneadon bui in ki adínea takin nosaḷamat!’

LUKAS 15:30

Táe naonda in nobuidon mangoi ki adí i papa inta ain nokopodaitmai kon bayongan kapunyaan i papa takin bobay mita sundaḷ, yo sia in sinomu i papa bo pinorataan kon ki adí in sapi inta totok in moḷongó!’

SAMUEL 1 28:24

Bo ḷagidon in bobay tatua noratá kon ki adí in sapinea inta noḷongó bo nogamá kon topong bo poḷat nongapog, bodongka pinomianea roti inta diá iragian.