KINOBAḺIAN 18:5 - Alkitab Singog In Mongondow Masa In Tanaa

⁵ Bain oḷudanku in kaanon tongáka naonda, sinbá tai Tuang in moropotdon bui bo buidon mongingguput kon bobayáan. Mobaḻí tobatú kahoromatan kon inakó aka tai tuang moibogpa mongandup kon baḷoi in bobantungmu naa.” Tubag monia, “Sukur moantó kon oaidmu inta mopia tua. Mongandupdon in kami.”

KINOBAḺIAN 18:5 Iomraidhean Croise

KINOBAḺIAN 18:6

Ki Abraham iḻimikat sinumuot kon ḷoḷaigannea bo noguman kon i Sara, “Koḷamemetdon bo pogamá kon topong tokarong inta totok in nopira, bo pogaidaipa kon roti inta noḻimbung.”

KINOBAḺIAN 19:8

Ain kinotaauan monimu, kon akuoi in kogadí kon mongodeaga doyowa. Bain ogoiku in mosia kon i monimu bo aidaidon onu in kinoibog monimu aidan, táe poigumonku kon i monimu donaai rupa-rupaan monimu in mokokiangoi mita inta kon baḷoiku naa; sin hakkubí in moḷukad kon i monia.”

KINOBAḺIAN 33:10

Guman i Yakub, “Donaai! Aka akuoi ain nokouḻí kon tabimu, yo tarimadon in sosumbaku tanaa. Aka kon inakó, nokoontong kon pogot in guya-guyang naonda bo nokoontong kon pogot i Allah, sin Iko noibogdon notarima kon inakó takin tabi moḷoben.

DATU MITA IMITÁNEA 17:11

Naonda in boba-bobay tatua minayá sin mogamá kon tubig tatua, ki Elia in noguman doman, “Iná podiaaipa doman in akuoi kon roti topilik.”

MAZMUR 104:15

bo mobogoi in anggur inta mokopia kon gina. Ḷana in zaitun doman inta mokotarimbuka mako kon pogotnea, bo kaanon inta mokoropot kon inia.

YESAYA 3:1

Totuubí, ki Tuhan Inta Mokawasa Totok in mogamábí nongkon Yerusalem bo Yohuda in bayongan tongkaaḷ in kaanon bo inumon. Intau mita doman inta pongatamai monia:

MATIUS 6:11

Ogoiaidon kaanon in kami in singgai naa, inta tugat kon inami.

HAKIM MITA 13:15

Bo guman i Manoah kon i-Nia, “Oḷatpa Tuang motoyong. Podungúanpa nami kon bembé batánea in ki Tuang.”

HAKIM MITA 13:16

Táe malaekat i Tuhan tatua noguman, “Umpakabí in akuoi mogoḷat kon naa, yo akuoi in diábí mokaan kon onu bo onu inta oḷudonmu. Táe aka iko bo umuran doman moibog mogoḷud, yo oḷudon intua mobaḻí kuruban payongon, bo posumbadon kon i Tuhan.” Diápabí kinotaauan i Manoah kon inta noyosingogneamai tua in malaekatbí i Tuhan. Dá sia in noguman, “Aka natua, dá potaaupa in tangoi i Tuang, sinbá aka mobaḻídon in onu inta ain pinoguman i Tuang tatua, yo motaau in kami mopomulia kon i Tuang.”

HAKIM MITA 19:5

Kon singgai noginggopat, nobangon in mosia subupa bo nosadiadon mayá. Táe ki amá in bobay tatua noguman kon intau in Lewi tatua, “Pongaanpa sinbá moropot, bain mopaḷut mako mongaan bo mayá.”

HAKIM MITA 6:18

Poigumonku kon moibogpa in ki Tuhan mogoḷatpa kon naa dapot in akuoi mogoḷud kon kaanon kon i Tuhan.” “Mopia,” tubag i Tuhan, “Oḷaton-Kubí dapot in iko mamangoi bui.”

HAKIM MITA 6:19

Dá nobuidon in ki Gideon bo nodungú kon bembé batánea tobatú, bo nogamá kon topong mopuḷú nokilo, onda intua nomia kon roti inta diá iragian. Nopaḷut mako kon tua ponoyá tatua binonunea kon karansi, bo tubignea in kon bonu in kuyon, bo bayongan intua dinianea bo inoḷudnea kon malaekat i Tuhan inta nogoḷat mako kon siungon in kayu terpentin tatua.