KINOBAḺIAN 18:22 - Alkitab Singog In Mongondow Masa In Tanaa

²² Bo taya dua inta kon sigad in intau mita tatua minayá ná Sodom, táe ki Tuhan in umuranpa kotaki-takin i Abraham.

KINOBAḺIAN 18:22 Iomraidhean Croise

KINOBAḺIAN 18:16

Nopaḷut mako kon tua nobuatdon in mokokiangoi taya toḷu tatua inatod i Abraham. Bo nodapotdon in mosia kon tampat tobatú inta bobuion mako in Sodom.

KINOBAḺIAN 18:17

Ki Tuhan nosingog kon bonu in gina, “Diábí bunion-Ku kon i Abraham onu in pomiaan-Ku.

KINOBAḺIAN 19:1

Naonda in nongkon i Abraham, malaekat doyowa tatua minayá in Sodom bo noyaput kon tua ain nodoḷomdon. Ki Lot ḻimitú mako kon ngara in kotá, bo naonda in nokoontong kon i monia, sinimindog in sia sin monontomu kon i monia. Bo dinumokódon in sia kon tayowon monia,

KINOBAḺIAN 19:27

Nopoikoḷomai kon singgai, doḷo-doḷompa, ki Abraham iḻimikat minayá in tampat inta sinindogannea kon tayowon i Tuhan koḷabung kon tungkuḷ in diápa nobaḻí intua.

MAZMUR 106:23

Dá niaton i Allah yopúon in umat-Nea, táe inimaḷowan i Musa, intau inta piniḻí-Nea. Ki Musa in nobaḻí tonsigad kon i monia, dá noonow in torú i Allah.

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

YEHEZKIEL 22:30

Kon sigad in intau in Israel tua, tayakon-Ku in intau inta mokoposindog in dinding, andeka simindog kon tampat mita inta dindingnea ain noumpag sin moḷukad kon butá tatua aka Akuoi morimumudon kon tua popisí in torú-Ku; táe diá tobatúmai in intau in nouḻí-Ku.

OUMAN IN RASUL MITA 7:55

Táe ki Stepanus inta kinawasa in Roho i Allah tatua, iḷumangag kon ḷangit bo inontongnea in kamuliaan i Allah bo ki Yesus in sinimindog kon dotá in koḷanan i Allah.

TIMOTIUS 1 2:1

Naa in totok poigumonku, aka moiko mosambayang mopoigum, bo mopoyaput in sukur kon i Allah, yo dika koḻiongan in bayongan intau, sambayangaibí komintan in mosia;