KINOBAḺIAN 18:11 - Alkitab Singog In Mongondow Masa In Tanaa

¹¹ Tungkuḷ intua ki Abraham bo ki Sara nogoguyangdon totok, ki Sara in diádon angoionmai muḷoi in buḷan.

KINOBAḺIAN 18:11 Iomraidhean Croise

KINOBAḺIAN 17:17

Bo dinumokódon in ki Abraham, táe kinumosing in sia kon dodai in norai kon bonu in ginanea, “Degá mokouḻípa kon adí in ḷoḷaki inta umurdon mogatut notaong, bo degá kumaanpa kon akaḷ in ki Sara inta ain umur siow nopuḷú notaong bo mononggadípa?”

KINOBAḺIAN 17:24

Ki Abraham in umur siow nopuḷú bo siow notaong tungkuḷ in sia sinunat

KINOBAḺIAN 21:7

Sia noguman doman, “Ki ine in koḻipod noguman kon i buḷoiku kon akuoi in diábí mopoteté in adí? Táe akuoi in nononggadípabí doman umpaka ki buḷoiku ain nogoguyang totok.”

KINOBAḺIAN 24:1

Ki Abraham nogoguyangdon totok, bo totok doman binarakatan i Tuhan in sia onukadon in inaidannea.

KINOBAḺIAN 24:36

Kon tungkuḷ in ki Sara ki buḷoi tuangku noguyangdon, sia nopononggadídon in adí ḷoḷaki tobatú, bo ki tuangku aindon nobogoi in bayongan kapunyaannea kon i adínea tatua.

KINOBAḺIAN 31:35

Bo ki Rahel in noguman kon i amánea, “Donaaidon ki papa tumorú, akuoi in diádon motaau simindog motomu kon i papa, sin akuoi inangoinea.” Ki Laban totokdon nonaridi in notayak, táe diá nouḻínea in patong tatua.

IMAMAT 15:19

Bobay tobatú inta yogot angoion buḷan, monajisbí kon bonu in pitu nosinggai. Ki inekabí in moḻiai kon inia mobaḻíbí monajis modapot kon mata in singgai tumoyop.

LUKAS 1:18

Dá ki Zakharia in noḻibó kon malaekat tatua, “Nábí onda in kobobaḻí intua komintan? Kaminda motonibuḷoi naa in tumpaḷadon mogoguyang!”

LUKAS 1:36

Bo pokotaaudon kon ki Elisabet inta ginaḷummu tua ain doman sidia onom nobuḷan. Adí inta kon bonu in siannea tua in adí ḷoḷaki, umpaka nogoguyangdon bo kain intau in bantó.

LUKAS 1:7

Tongá mosia naa in diá kogadí, sin ki Elisabet in bantó bo taya dua naa aindon mogoguyang doman.

IBRANI 11:19

Ki Abraham in noyakinbí totok kon mokosanggupbí in ki Allah momiag kon i Ishak nongkon kinopatoiannea tua, dá motaaubí tangoion kon ki Abraham in notarimadon bui kon i Ishak nongkon kinopatoiannea.

YOSUA 13:1

Tanaa in ki Yosua nogoguyangdon totok. Ki Tuhan noguman kon i Yosua, “Iko in nogoguyangdon, Yosua! Táe nobayongpa in butá inta mustipa agowon: