KINOBAḺIAN 17:23 - Alkitab Singog In Mongondow Masa In Tanaa

²³ Kon singgaipa doman tatua, ki Abraham dinumudui kon onu inta pinoguman i Allah bo sinunatneadon in ki Ismael ki adínea tatua, bo bayongan intau ḷoḷaki inta kon bonu in baḷoinea, pinotakin doman in bayongan bobantungnea inta pinononggadí kon bonu in baḷoinea ande inta sinaḷuinea.

KINOBAḺIAN 17:23 Iomraidhean Croise

KINOBAḺIAN 14:14

Naonda in kinodongogan i Abram kon pokuadíonnea tua kinodomokan, sinipunnea in bayongan intau inta kon bonu in ḷoḷaigannea, mosia inta mongopandoi moparang, kobayong monia tua in toḷu nogatut bo mopuḷú bowaḷu, bo dongka minayá nondudur kon datu taya opat tatua nodapot kon kotá in Dan.

KINOBAḺIAN 17:9

Ki Allah in noguman bui kon i Abraham, “Iko in mustibí doman motoindudui kon dodandian tanaa, pinomayá iko ande buímu moiduduimai.

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

KINOBAḺIAN 34:24

Komintan intau kon kotá inta noyosipun kon tua noibog kon onu in pinoguman i Hemor bo i Sikhem tua, bo bayongan ḷoḷaki inta ain nogurang kon kotá tatua sinoitdon.

MAZMUR 119:60

Akuoi in ḻimikatbí bo diábí mogoḷat sin mopobayá in parenta-Mu.

AMSAL 27:1

Dika tumakabur kon singgai ikoḷom, sin diábí kinotaauanmu onu in mobaḻí.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

OUMAN IN RASUL MITA 16:3

Tuamai ki Paulus in noibog nodia kon inia takinnea. Dá pinoki sunatnea in ki Timotius, sin intau mita in Yahudi kon tua nonotaau kon ki amánea intaubí in Yunani.

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

GALATIA 6:15

Sinunat ande diá sinunat, tua in diábí moponting, sin mobaḻíbí intau inta mobiag mobagu takin i Allah in moponti-ponting.